Qańtar oqıǵasy kezinde oq tıip qaza tapqan Erkebulan Sydyqbaevtyń áıeli jol apatynan qaza tapty. Onyń sońynda tórt balasy qaldy, dep habarlaıdy “Adyrna” ulttyq portaly.
Erkebulan Sydyqbaevtyń áıeli Saıa Esengeldi taksı qyzmetimen aınalysyp júrip, jol apatynan qaza tapqan. Qańtar oqıǵasynan keıin, kún kórý maqsatynda Saıa taksı aıdap júrgen. Balalaryna anasy qarasqan. Ókinishke qaraı, 4 aqpan kúni Almaty-Bishkek tas jolynda jol apaty bolyp 3 adam qaza tapqan edi. Sol kezde kólik ishinde Saıa da bolǵan.
Jýrnalıst Luqpan Ahmedıarovtyń sózinshe, Saıa balalaryn asyraý úshin baryn salǵan. Kúndiz kýrer bolyp, túnde taksı júrgizýshisi bolǵan. Ákimdik áıelge baspana alyp berýge kómektesemiz dep ýáde bergen. Biraq qandaı da bir sebeptermen olar páter áperýden bas tartqan.
Qaıǵyly oqıǵa iri qurylys salýshylardyń biri – Qazaq Stroy kompaııasyn beı jaı qaldyrmady. Kompanııa ata-anasynan aıyrylǵan balalar úısiz qalmaýy kerek dep, aýdany 95 sharshy metr bolatyn úsh bólmeli páter berý týraly sheshim qabyldady.
Sondaı-aq, kompanııa ıesi Nurlan Artyqbaev balalarǵa kámelettik jasqa tolǵanǵa deıin árqaısysyna aı saıyn 100 myń teńge tóleýdi usyndy.
Kómek týraly jazbalardyń astyndaǵy pikirlerde balalar jalǵyz qalmaǵanyn aıtady. Bul taǵy da álem jaqsy adamdarsyz emes ekenin kórsetedi.
