Qoǵam belsendisi, matematıka pániniń muǵalimi Darhan Ardaquly Almaty qalasyndaǵy 207 mekteptiń "aralas mektep" bolyp ashylýyna qarsylyq tanytyp, Qazaq eline úndeý tastady. Bul týraly "Adyrna" ulttyq portaly jazady.
"Almaty qalasyndaǵy №207 mekteptiń "aralas mektep" qylyp ashylýyna jol bermeımin! Kórpeni tóseımin de, jatamyn! Búgin Naýryzbaı aýdanynyń ákimdigi habarlasty. "Ákimdiktiń aldyna kel, 410 kabınetke kel. Sóılesemiz saǵat 11.00-de" dep. Men "Sender ózderin kelińder! Ákim ne istep otyr? Dıaspora ókilderimen jumys jasasyn! Qazaq mektebine qaraı baǵyt-baǵdar bersin! Qazaq elimen, qazaq jerimen taǵdyryn baılanystyrǵan dıaspora ókilderi Qazaqstanda turamyn dese, balalaryn qazaq mektepterine bersin! Biz olardy bólip jatqan joqpyz. Kerisinshe olar bólinip jatyr. Qazaq tildi mektepterdiń sanyn kóbeıtýimiz kerek. Oqý-aǵartý mınıstri Aımaǵambetov №1 másele osymen aınalysýy kerek. Qurmetti aǵaıyndar! Balalaryńyzdy qazaq mektebine berińizder! Aralas mektepterdiń ashylýyna qarsylyq bildirý kerekpiz. Belsendilik jáne tabandylyq tanytyńyzdar! Úıde jatyp laık, kommentarıı jazyp, dıvanda jata bermeńizder! №207 mekteptiń aldyna kelińizder! Men ózim myna mektepke kúnde kelemin. Til óshse, biz de óshemiz. Qazaq tili óshpeı, lapyldap, janyp tursa, biz de árqashan janyp turamyz!", - dedi Darhan Ardaquly.
"Adyrna" ulttyq portaly
