Oljas Süleimenovtı Nobel syilyǧyna ūsynu turaly «Baitaq» jasyldar partiiasynyŋ eseptık konferensiiasynda jariialandy.
O. Süleimenovtyŋ kezındegı Semei iadrolyq poligonyn jäne basqa elderdegı osyndai nysandardy jabu jolyndaǧy küresı el esınde.
Onyŋ bastamasymen qūrylǧan «Nevada – Semei» qozǧalysy:
- Semei iadrolyq poligonyn jabuǧa şeşuşı yqpal ettı;
- iadrolyq qarudyŋ adamzatqa äkeletın qauıpın keŋestık däuırde aşyq aituǧa batyldyq tanytty;
- iadrolyq synaqtardy toqtatuǧa baǧyttalǧan älemdık pıkırtalastarǧa türtkı boldy.
Būl äreketter Rotblattyŋ, ICAN men IPPNW ūiymdarynyŋ eŋbegımen tabiǧaty jaǧynan bır deŋgeide – iadrolyq qarudyŋ joiqyn küşın toqtatuǧa baǧyttalǧan, adamzat qauıpsızdıgıne arnalǧan qozǧalystardyŋ qatarynda boldy.
«Semei iadrolyq poligonyn jabuǧa bastamaşy bolyp, būl ıske şeşuşı üles qosqan tūlǧanyŋ bırı – Oljas Süleimenov. Onyŋ bastamasy men Qazaqstan kötergen halyqaralyq qozǧalystyŋ nätijesınde älemnıŋ bırneşe elınde tört ırı iadrolyq synaq alaŋy, sonyŋ ışınde AQŞ-taǧy Nevada poligony da jabyldy» -,deidı Azamathan Ämırtai.
Mälımdemede, sondai-aq, Süleimenovtıŋ antiiadrolyq bastamasy bügınde qaita özektı bola tüskenı atap ötılgen, öitkenı sarapşylardyŋ paiymynşa, soŋǧy onjyldyqtarda iadrolyq soǧys qaupı şynymen de küşeigen.
Partiia Nobel komitetıne resmi türde jügınu üşın aldymen parlament pen ükımettıŋ qoldauyn aluǧa daiyndalyp jatyr.
Antiiadrolyq qozǧalystyŋ mänı qaita artyp otyrǧan qazırgı kezeŋde Süleimenovtıŋ eŋbegın halyqaralyq deŋgeide moiyndau būrynǧydan da maŋyzdy. Nobel syilyǧyna ūsynyluy onyŋ adamzatqa jasaǧan eŋbegın baǧalau ǧana emes, sonymen bırge älem elderıne iadrolyq qarudan tübegeilı bas tartu turaly jaŋa ündeu bolyp tabylady.
Eger Oljas Süleimenovtıŋ kandidaturasy maqūldanyp, jeŋıske jetse, ol Nobel syilyǧyn alǧan tūŋǧyş dara qazaq bolmaq.
