Búgin - Alash qozǵalysynyń qaıratkeri, Túrkistan ólkesi halyqtarynyń azattyq kúresi jetekshileriniń biri, pýblııst Mustafa Shoqaıdyń týǵan kúni.
Mustafa Shoqaı – búkil túrki áleminiń tarıhı tulǵasyna aınalǵan birtýar azamat. Alash partııasynda boldy, Túrkistan avtonomııasynyń basynda turdy. 21 jyl Eýropada emıgraııada júrip, qazaqtyń bostandyǵy úshin kúresken tulǵa.
Mustafa Shoqaı til men dildi, ult pen dástúrdi soıalızm júıesi joqqa shyǵaratynyn kúni buryn bildi. Uranshyl kommýnızmniń «ur da, jyq» ustanymyn moıyndamady. Túrkııada júrgende Keńes úkimeti birneshe qyzmet usynyp, elge shaqyrǵan. Biraq, eshqaısysyna kelisim bermedi. Kerisinshe ózi Berlın men Parıjdiń arasynda júrip, «Iash Túrkistan» jýrnalyn shyǵardy. Basylym saıası-áleýmettik taqyryptarǵa arnaldy. Peterbýrg ýnıversıtetinde oqyp júrip saıasatqa aralasqan Alash ardaqtysynyń árbir sáti tynymsyz eńbekpen ótti. 24 jasynda Musylman frakııasynyń hatshysy atandy.
«Mustafa ózine Álıhan Bókeıhan, Mirjaqyp Dýlat, Ahmet Baıtursyn syndy qazaq zııalylaryn ustaz tutty. Qaıda júrse de, eliniń múddesin umytqan joq. Biz ony sonysymen-aq qadirleýge tıispiz», deıdi jazýshy, tarıhshy Beıbit Qoıshybaev.
