Bügın - kompozitor, dirijer, Qazaqstannyŋ eŋbek sıŋırgen öner qairatkerı, Halyq qaharmany Nūrǧisa Tılendievtıŋ tuǧanyna 100 jyl toldy, dep habarlaidy “Adyrna” ūlttyq portaly.
Qazaqtyŋ bırtuar perzentı - 1925 jyly 1 säuır künı Almaty oblysy Ile audanynda düniege kelgen. Nūrǧisa Tılendiev qazaqtyŋ ūlttyq önerı men mädenietınde öşpes ız qaldyrdy. Közı tırısınde halyq änderı men küilerın orkestrmen oryndaudyŋ ülgısın jasaǧan.
Ärtürlı jyldary Abai atyndaǧy Qazaq memlekettık akademiialyq opera jäne balet teatrynyŋ dirijerı, Qazaqtyŋ halyq aspaptar orkestrınıŋ bas dirijerı, Qazaqfilm kinostudiiasy muzyka redaksiiasynyŋ bas redaktory, 1981 jyldan Otyrar sazy folklorlyq-etnografiialyq ansamblınıŋ ūiymdastyruşysy ärı körkemdık jetekşısı qyzmetterın atqardy.
Altyn taular operasynyŋ (Q.Qojamiiarovpen bırge), Dostyq jolymen baletınıŋ (L.Stepanovpen bırge), Orteke balet-poemasynyŋ, Menıŋ Qazaqstanym kantatasynyŋ, orkestrge arnalǧan Poema, Ata tolǧauy, Aqsaq qūlan, Aqqu, Arman, Mahambet, Köş keruen poemalary men Halyq quanyşy, Qairat, Jeŋıs saltanaty atty kırıspelerdıŋ, 400-ge tarta än men romanstyŋ avtory.
50-den astam dramalyq qoiylymǧa, 19 körkem filmge, 17 multiplikasiialyq filmge, 14 derektı-hronikalyq filmge muzyka jazdy.
Bıregei tūlǧa ekı ret Eŋbek Qyzyl Tu ordenımen marapattalǧan.
