Búgin - kompozıtor, dırıjer, Qazaqstannyń eńbek sińirgen óner qaıratkeri, Halyq qaharmany Nurǵısa Tilendıevtiń týǵanyna 100 jyl toldy, dep habarlaıdy “Adyrna” ulttyq portaly.
Qazaqtyń birtýar perzenti - 1925 jyly 1 sáýir kúni Almaty oblysy Ile aýdanynda dúnıege kelgen. Nurǵısa Tilendıev qazaqtyń ulttyq óneri men mádenıetinde óshpes iz qaldyrdy. Kózi tirisinde halyq ánderi men kúılerin orkestrmen oryndaýdyń úlgisin jasaǵan.
Ártúrli jyldary Abaı atyndaǵy Qazaq memlekettik akademııalyq opera jáne balet teatrynyń dırıjeri, Qazaqtyń halyq aspaptar orkestriniń bas dırıjeri, Qazaqfılm kınostýdııasy mýzyka redakııasynyń bas redaktory, 1981 jyldan Otyrar sazy folklorlyq-etnografııalyq ansambliniń uıymdastyrýshysy ári kórkemdik jetekshisi qyzmetterin atqardy.
Altyn taýlar operasynyń (Q.Qojamııarovpen birge), Dostyq jolymen baletiniń (L.Stepanovpen birge), Orteke balet-poemasynyń, Meniń Qazaqstanym kantatasynyń, orkestrge arnalǵan Poema, Ata tolǵaýy, Aqsaq qulan, Aqqý, Arman, Mahambet, Kósh kerýen poemalary men Halyq qýanyshy, Qaırat, Jeńis saltanaty atty kirispelerdiń, 400-ge tarta án men romanstyń avtory.
50-den astam dramalyq qoıylymǵa, 19 kórkem fılmge, 17 mýltıplıkaııalyq fılmge, 14 derekti-hronıkalyq fılmge mýzyka jazdy.
Biregeı tulǵa eki ret Eńbek Qyzyl Tý ordenimen marapattalǵan.
