Londonda Mustafa Shoqaıdyń aǵylshyn tiline aýdarylǵan «Keńes Odaǵynyń túrik álemi saıasaty» atty kitabynyń tusaýkeser jıyny ótti, dep habarlaıdy "Adyrna" tilshisi.
Bul týraly shoqaıtanýshy Ábdiýaqap Qara Facebook jelisindegi paraqshasynda jazdy.
Professor Ábdiýaqap Qaranyń qurastyrýymen Mustafa Shoqaıdyń 41 maqalasy tolyq bir kitapqa toptastyrylyp, qundy eńbek tórt tilde jaryq kórgen bolatyn. Kitaptyń alǵashqy tusaýkeseri Túrkııa eliniń Ankara qalasynda ótip, keıinnen Qazaqstanǵa jetken.
Búginde atalǵan kitaptyń aǵylshyn tilindegi nusqasynyń tusaýkeseri Londonda ótti.
"Mustafa Shoqaı qaıtys bolǵannan keıin 83 jyl ótken soń Londonda alǵash ret eske alyndy. Mustafa Shoqaıdy Túrkistanǵa jáne túrik álemine sińirgen eńbegi úshin meıirimmen, alǵyspen eske alamyn. Jany jannatta bolsyn", - dep jazdy ol.
Eske sala keteıik, Almatyda túrkııalyq shoqaıtanýshy ǵalym Ábdiýaqap Qaranyń «Keńes Odaǵynyń Túrki álemi saıasaty» atty kitabynyń tusaýkeseri ótken bolatyn.
