Taldyqorǵan qalasyndaǵy Nazarbaev Zııatkerlik mektebiniń 12-synyp oqýshysy Adelıa Balkasheva Bostondaǵy Amerıka ýnıversıtetiniń HULT halyqaralyq bıznes mektebinen shaqyrtý aldy. Oǵan 10 000 dollar grant berildi.
AQSh-tyń iri qalalarynyń birinde bıznesti oqý men úshin úlken múmkindik. HULT-qa shaqyrtý kelgen kezde, men qatty tańqaldym. Degenmen, bul jaqsy jańalyq jáne de bul bıznes pen tehnologııadan bastap óner men mýzykaǵa deıingi sońǵy ıdeıalar men eń zamanaýı trendterdi zertteý múmkindigi bolyp tabylady, - deıdi Adelıa suhbatynda.
Mektep qabyrǵasynda Adelıa mekteptegi Vıkıpedııa klýbynyń belsendisi. Ol ınternet-enıklopedııaǵa qazaq tilinde 400-den astam maqala jazǵan. Sondaı-aq Jetisý óńirindegi aýyl balalaryna, «Aınalaıyn» balalar úıinde aǵylshyn tilinen sabaq beredi.
Maqsatym – qarjy salasynda bilim alý. Nazarbaev Zııatkerlik mektebiniń biliminiń arqasynda men álemniń túkpir-túkpirinen kelgen stýdenttermen básekege túse alamyn. Maǵan barlyq esikter ashyq. Óıtkeni, árbir oqýshy, NIS túlegi – óz ómiriniń, eliniń kóshbasshysy, – Adelıa bolashaqqa degen josparlarymen bólisti.
Halt halyqaralyq bıznes mektebi – Bostonda, San-Franıskoda, Londonda, Dýbaıda jáne Shanhaıda kampýstary bar bıznes mektebi. Mektep Jańa Anglııa joǵary oqý oryndary qaýymdastyǵymen MBA qaýymdastyǵymen akkredıttelgen. Hult dıplomdaryn sondaı-aq joǵary bilim berýdegi sheteldik dıplomdardy akkredıtteý boıynsha Brıtandyq keńes moıyndaıdy.
