Taldyqorǧan qalasyndaǧy Nazarbaev Ziiatkerlık mektebınıŋ 12-synyp oquşysy Adelia Balkaşeva Bostondaǧy Amerika universitetınıŋ HULT halyqaralyq biznes mektebınen şaqyrtu aldy. Oǧan 10 000 dollar grant berıldı.
AQŞ-tyŋ ırı qalalarynyŋ bırınde biznestı oqu men üşın ülken mümkındık. HULT-qa şaqyrtu kelgen kezde, men qatty taŋqaldym. Degenmen, būl jaqsy jaŋalyq jäne de būl biznes pen tehnologiiadan bastap öner men muzykaǧa deiıngı soŋǧy ideialar men eŋ zamanaui trendterdı zertteu mümkındıgı bolyp tabylady, - deidı Adelia sūhbatynda.Mektep qabyrǧasynda Adelia mekteptegı Vikipediia klubynyŋ belsendısı. Ol internet-ensiklopediiaǧa qazaq tılınde 400-den astam maqala jazǧan. Sondai-aq Jetısu öŋırındegı auyl balalaryna, «Ainalaiyn» balalar üiınde aǧylşyn tılınen sabaq beredı.
Maqsatym – qarjy salasynda bılım alu. Nazarbaev Ziiatkerlık mektebınıŋ bılımınıŋ arqasynda men älemnıŋ tükpır-tükpırınen kelgen studenttermen bäsekege tüse alamyn. Maǧan barlyq esıkter aşyq. Öitkenı, ärbır oquşy, NIS tülegı – öz ömırınıŋ, elınıŋ köşbasşysy, – Adelia bolaşaqqa degen josparlarymen bölıstı.Halt halyqaralyq biznes mektebı – Bostonda, San-Fransiskoda, Londonda, Dubaida jäne Şanhaida kampustary bar biznes mektebı. Mektep Jaŋa Angliia joǧary oqu oryndary qauymdastyǧymen MBA qauymdastyǧymen akkredittelgen. Hult diplomdaryn sondai-aq joǧary bılım berudegı şeteldık diplomdardy akkreditteu boiynşa Britandyq keŋes moiyndaidy.
Ūqsas jaŋalyqtar
