Túrkııanyń Izmır qalasynda oqıtyn Raýan Darhanuly esimdi qazaq stýdenti joǵaldy. Bul jaıly jýrnalıst Gúlmıra Ábiqaı jazdy, dep habarlaıdy "Adyrna" ulttyq portaly.
"Izmırde iz-tússiz joǵalǵan qazaq balasyna qatysty aqpar aıta keteıin. Raýan Darhanulynyń joq bolǵanyna búgin 6-shy táýlik. Izmırdegi “Gorılla” klýbynda sotkasyn qaldyryp, qazir dep kirip, sol kúıi esikten qaıta shyqpaǵan. Qolynda Qazaqstan pasporty, qaltasynda Kaspıı kartasy bar. Erteńine kartadan saýda jasaǵany belgili boldy. Dostary sol kúni klýbqa taǵy izdep kelgende sotkasyn tapty, alaıda ózin eshkim kórmegen. Qazir Anadoly eli tátti uıqyda, tań atsyn jaqsy jańalyqpen bólisemin, buıyrtsa. Ul-qyzyn shet elde oqytyp jatqan barsha ata-ana tilekshi bolyńyzdar!" - dep jazdy jýrnalıst.
