Almatydaǵy Narhoz ýnıversıteti sheshim shyǵaryp, qazaq tilinen bas tartty. Bul týraly jýrnalıst Dıas Nuraqyn Facebook paraqshasynda jazdy, dep habarlaıdy “Adyrna” ulttyq portaly.
Onyń málimetinshe, bul joǵary oqý ornynda eń mańyzdy tórt fakýltettiń orys jáne qazaq toptary jabylǵan.
Endi Narxoz-da ekonomıka, qarjy, esep, qarjylyq táýekelderdi basqarý jáne aqparattyq tehnologııalar salalarynda bilim alǵysy keletinderdiń barlyǵy aǵylshyn tilin bilýi kerek. Ótken jyly da bul mamandyqtar boıynsha birde-bir qazaq toby bolǵan joq. Bıyl olar da «qazaqtardy» qabyldamaýǵa bel baılasa kerek.
Sondyqtan Narxoz stýdentteri tek aǵylshyn tilinde bilim alady. Biraq, árıne, ol jerde aǵylshyn tilinde minsiz sóıleıtin stýdentter joqtyń qasy, barlyq sabaqtardy 100% aǵylshyn tilinde júrgizetin muǵalimder de joq.
Sondyqtan, Narxoz muǵalimderi men stýdentteri barlyq sabaqtardyń naqty aǵylshyn jáne orys tilderiniń belgili bir qospasynda ótetinin moıyndaýǵa májbúr ekenin aıtty jýrnalıst.
“Bul baryp turǵan bassyzdyq. Qazaq tilin qurtýdyń tóte joly. Sebebi dúnıejúzi sóıleıtin tilde sabaq beremiz degen syltaýmen qazaq tilin tuqyrtyp otyr. Narhozǵa negizinen aýyl balalary kelip oqıdy. Aǵylshyn emes orysshany áreń túsinetin jastardyń sanasyn da tilin de qoıyrtpaqtap jatyr deýge negiz bar.
Bıylǵy quryltaıda Prezıdent qazaq tilin meńgergender 70 paıyzdan asty dep aıtty. Al, Prezıdent ákimshiliginiń basshysy Aıbek Dádebaev qazaqsha sóıleıtinder sany 81 paıyzdy quraıdy dep suhbat bergeni esimizde. Endeshe qazaq elinde, qazaqtyń jerinde Narhozdyń qazaqsha oqytpaımyz degeni qaı sasqany? Bul qazaqtardyń quqyn taptaý emeı nemene?
Qazaq tiliniń mártebesin kóteremiz degen memleket saıasatyna Narhoz basshylary qasaqana qastandyq qylyp otyr”, dep jazdy jýrnalıst.
