Qazaqstanda áskerı boryshyn ótegender UBT tapsyrmaı-aq ýnıversıtette tegin oqıdy. Bul týraly Qorǵanys vıe-mınıstri Darhan Ahmadıev aıtty, dep habarlaıdy “Adyrna” tilshisi.
“Búgin Qorǵanys mınıstri Rýslan Jaqsylyqov jáne Ǵylym jáne joǵary bilim mınıstri Saıasat Nurbektiń qoldaýy nátıjesinde 44 joǵary oqý orynymen áskerı boryshyn ótegenderge 3 myń grant berý týraly memorandýmǵa qol qoıdy. Iaǵnı bir jyl áskerı boryshyn ótegender osy joǵary oqý ornyna UBT-syz túse alady. Sondaı-aq áskerde jaqsy nátıje kórsetken jigitter JOO esebinen tegin joǵary bilim alý múmkindigine ıe bolady”, - dep jazdy Darhan Ahmadıev Facebook-te.
Onyń aıtýynsha, tegin oqýǵa jiberiletin sarbazdardy irikteý kezinde sybaılas jemqorlyqqa jol bermeý úshin áskerı qyzmetshiniń reıtıngin aıqyndaıtyn jáne ýnıversıtet bóletin granttyń ıfrlyq platformany ázirleý týraly sheshim qabyldanǵan.
«Platforma jaýyngerlik, dene shynyqtyrý jáne arnaıy daıarlyqty baǵalaý nátıjeleri boıynsha árbir sarbazdyń jeke reıtıngin aıqyndaıdy. Sonymen qatar, reıtıngke olardyń psıhologııalyq jaı-kúıi men jaýyngerlik kezekshiligin atqarý nátıjesi de kiredi. Barlyq derek qorǵanys mınıstrliginde jınaqtalady ári ony ózgertýge bolmaıdy», - dedi vıe-mınıstr.
