Ūmytpasam 2022-şy jyldyŋ 7-şı aqpanynda proreseilık «Nezavisimaia gazeta» bergen sūhbatynda Reseidıŋ Qazaqstandaǧy Tötenşe jäne ökılettı elşısı Aleksei Borodavkin «Orys tılın bılmeitın qazaqstandyqtardyŋ denı – basqa memleketterden qonys audarǧandar, iaǧni şet el qazaqtary. Būl olardyŋ zamanaui qazaqstandyq qoǧamǧa tez sıŋısuıne kedergı keltıredı, būl el bilıgı üşın aitarlyqtai problemalar tuǧyzady» degen bolatyn.
Odan basqa Resei men Qazaqstannyŋ özara dostyǧyna syna qaǧatyn qazaq ūltşyldary men rusofobtar dep ottaǧan-dy.
"Jaman üidı,qonaǧy bileidı" degendei sol kezde Aleksei Borodavkinnıŋ būl sözıne Qazaqstan bilıgı tarapynan bır memlekettık şeneunık şyǧyp, jauap bergen joq.
Endı keşe "Rossiia segodnia" agenttıgıne bergen sūhbatynda Aleksei Borodavkin: «Ärbır qazaqstandyq ekı aiaqta nyq tūruy tiıs: bırı memlekettık tıl – qazaq tılı, ekınşısı, Qazaqstan Konstitusiiasynda körsetılgendei resmi tıl – orys tılı. Būl ekı aiaqtyŋ ekeuı de bırdei bolǧan jaǧdaida ǧana alǧa qadam basa alatynyn eskeru kerek» dep aidy aspanǧa bır-aq şyǧardy.
Qazaqstan siiaqty täuelsız eldıŋ azamattary qai tılde söileuıne būiryq-pärmen beretındei ol kım edı nemese agressor el bop tabylatyn imperşıl Reseidıŋ elşısı özıne köp alyp qoiǧan joq pa?!
Eŋ soraqysy Resei elşısı ūltşyldar men antireseişıl Häm antiputinşıl qazaqtardyŋ saiasi közqarasyn şekteu üşın, bız RF bilıgı kez kelgen uaqytta atalmyş ūltşyldardy basyp-janyştauǧa, iaǧni kerek bolsa küş qoldanyp, kömektesuge daiynbyz deptı..
Būl ne masqara?
Azat Ukrainany älem kartasynan qūrtqysy keletın agressor Resei bilıgı endı aşyq türde Qazaqstanǧa auyz sala bastaǧany ma?
Älde täuelsız Qazaq elın özderınıŋ menşıktı guberniialyq subektısı sanai ma?!
Sonymen qatar Resei elşısı sūhbatta Qazaqstan men AQŞ arasyna syna qaǧuǧa meilınşe ärekettengenı, atap aitqanda Qazaqstan-AQŞ özara qatynasy men türlı saladaǧy ärıptestıgıne köleŋke tüsırıp tūrǧanyn da baiqauǧa bolady..
Öz basym Resei elşısınıŋ öktemşıl sūhbatyn tyŋdap,tünımen döŋbekşıp ūiyqtai almadym.
Men Tūrarbek Qūsaiynūly Qazaqstan Respublikasynyŋ Syrtqy ıster ministrlıgı tez arada Resei Federasiiasyna narazylyq NOTA jıberıp, Reseidıŋ Qazaqstandaǧy tötenşe jäne ökılettı elşısı Aleksei Borodavkinnen Qazaqstan halqynan keşırım sūrauyn, onyŋ äreketıne qūqyqtyq häm saiasi baǧa beruın jäne Reseidıŋ Qazaqstandaǧy elşısın auystyrudy qataŋ talap etemın!!!
Tūrarbek Qūsaiynūly
Ūqsas jaŋalyqtar
