ۇمىتپاسام 2022-شى جىلدىڭ 7-ءشى اقپانىندا پرورەسەيلىك «نەزاۆيسيمايا گازەتا» بەرگەن سۇحباتىندا رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين «ورىس ءتىلىن بىلمەيتىن قازاقستاندىقتاردىڭ دەنى – باسقا مەملەكەتتەردەن قونىس اۋدارعاندار، ياعني شەت ەل قازاقتارى. بۇل ولاردىڭ زاماناۋي قازاقستاندىق قوعامعا تەز سىڭىسۋىنە كەدەرگى كەلتىرەدى، بۇل ەل بيلىگى ءۇشىن ايتارلىقتاي پروبلەمالار تۋعىزادى» دەگەن بولاتىن.
ودان باسقا رەسەي مەن قازاقستاننىڭ ءوزارا دوستىعىنا سىنا قاعاتىن قازاق ۇلتشىلدارى مەن رۋسوفوبتار دەپ وتتاعان-دى.
"جامان ءۇيدى،قوناعى بيلەيدى" دەگەندەي سول كەزدە الەكسەي بوروداۆكيننىڭ بۇل سوزىنە قازاقستان بيلىگى تاراپىنان ءبىر مەملەكەتتىك شەنەۋنىك شىعىپ، جاۋاپ بەرگەن جوق.
ەندى كەشە "روسسيا سەگودنيا" اگەنتتىگىنە بەرگەن سۇحباتىندا الەكسەي بوروداۆكين: «ءاربىر قازاقستاندىق ەكى اياقتا نىق تۇرۋى ءتيىس: ءبىرى مەملەكەتتىك ءتىل – قازاق ءتىلى، ەكىنشىسى، قازاقستان كونستيتۋتسياسىندا كورسەتىلگەندەي رەسمي ءتىل – ورىس ءتىلى. بۇل ەكى اياقتىڭ ەكەۋى دە بىردەي بولعان جاعدايدا عانا العا قادام باسا الاتىنىن ەسكەرۋ كەرەك» دەپ ايدى اسپانعا ءبىر-اق شىعاردى.
قازاقستان سياقتى تاۋەلسىز ەلدىڭ ازاماتتارى قاي تىلدە سويلەۋىنە بۇيرىق-پارمەن بەرەتىندەي ول كىم ەدى نەمەسە اگرەسسور ەل بوپ تابىلاتىن يمپەرشىل رەسەيدىڭ ەلشىسى وزىنە كوپ الىپ قويعان جوق پا؟!
ەڭ سوراقىسى رەسەي ەلشىسى ۇلتشىلدار مەن انتيرەسەيشىل ءھام ءانتيپۋتينشىل قازاقتاردىڭ ساياسي كوزقاراسىن شەكتەۋ ءۇشىن، ءبىز رف بيلىگى كەز كەلگەن ۋاقىتتا اتالمىش ۇلتشىلداردى باسىپ-جانىشتاۋعا، ياعني كەرەك بولسا كۇش قولدانىپ، كومەكتەسۋگە دايىنبىز دەپتى..
بۇل نە ماسقارا؟
ازات ۋكراينانى الەم كارتاسىنان قۇرتقىسى كەلەتىن اگرەسسور رەسەي بيلىگى ەندى اشىق تۇردە قازاقستانعا اۋىز سالا باستاعانى ما؟
الدە تاۋەلسىز قازاق ەلىن وزدەرىنىڭ مەنشىكتى گۋبەرنيالىق سۋبەكتىسى ساناي ما؟!
سونىمەن قاتار رەسەي ەلشىسى سۇحباتتا قازاقستان مەن اقش اراسىنا سىنا قاعۋعا مەيلىنشە ارەكەتتەنگەنى، اتاپ ايتقاندا قازاقستان-اقش ءوزارا قاتىناسى مەن ءتۇرلى سالاداعى ارىپتەستىگىنە كولەڭكە ءتۇسىرىپ تۇرعانىن دا بايقاۋعا بولادى..
ءوز باسىم رەسەي ەلشىسىنىڭ وكتەمشىل سۇحباتىن تىڭداپ،تۇنىمەن دوڭبەكشىپ ۇيىقتاي المادىم.
مەن تۇراربەك قۇسايىنۇلى قازاقستان رەسپۋبليكاسىنىڭ سىرتقى ىستەر مينيسترلىگى تەز ارادا رەسەي فەدەراتسياسىنا نارازىلىق نوتا جىبەرىپ، رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكيننەن قازاقستان حالقىنان كەشىرىم سۇراۋىن، ونىڭ ارەكەتىنە قۇقىقتىق ءھام ساياسي باعا بەرۋىن جانە رەسەيدىڭ قازاقستانداعى ەلشىسىن اۋىستىرۋدى قاتاڭ تالاپ ەتەمىن!!!
تۇراربەك قۇسايىنۇلى
