Ótken kúnderi Qaraǵandy qalasynyń polıtehnıkalyq kolledjinde Ult qundylyqtaryn saqtaý men nasıhattaýǵa baǵyttalǵan Qazaq kúntizbesindegi 15 qarasha – Qazaq batyrlary kúnine oraı jarııalanǵan «Batyrlar murasy» onkúndigi aıasynda qazaqtyń sońǵy hany Kenesary Qasymulynyń 220 jyldyǵyna, Eset batyr Kókiulynyń 355 jyldyǵyna, Aqjoltaı Aǵybaı batyrdyń 220 jyldyǵyna jáne qazaqtyń batyr qyzy Mánshúk Mámettiń týǵanyna 100 jyl tolýyna oraı jastar arasyndaǵy 3-shi ǵylymı – tanymdyq konferenııa ótti, dep jazady "Adyrna" ulttyq portaly.
2018 jyldan beri Qazaq club bastamasymen qolǵa alynyp júrgen bul shara jastarǵa qazaq qoǵamyndaǵy Batyrlar ınstıtýtynyń roli men ult batyrlarynyń halyq aldyndaǵy eńbegin nasıhattaýǵa baǵyttalǵan. Bıylǵy jyly bul sharaǵa Qaraǵandy oblysy ákimdigi de qoldaý bildirdi. Sharanyń saltanatty ashylýynda sóz alǵan oblys ákiminiń áskerı qaýipsizdik jáne qorǵanys máseleleri jónindegi kómekshisi Qanat Ábilhan mundaı sharanyń jastarǵa áskerı-patrıottyq tárbıe berýde mańyzy joǵary ekendigin sóz ete kelip, qazaq qoǵamyndaǵy Batyrlar ınstıtýty men batyr uǵymynyń qalyptasýyna toqtaldy.
Odan ári polıtehnıkalyq kolledj stýdentteri Májıt Erbosyn «Eset batyr Kókiulyna - 355 jyl» atty baıandamasynda batyrdyń basqynshylarmen kúresin baıandasa, Samat Almas «Kenesary hannyń qazaq memlekettiligin qalpyna keltirýdegi eńbegi» atty baıandamany, al Hanat Ábdýálı «Aqjoltaı Aǵybaı batyr – el qorǵany» baıandamasynda batyrdyń otarshyldarǵa qarsy júrgizgen áskerı qımyldary jaıly sóz etti. Baıandamashy Táńirbergen Shafaǵat bolsa, «Qazaqtyń batyr qyzy Mánshúk Mámetovaǵa 100 jyl» taqyrybynda baıandama oqydy. Sonymen qatar konferenııa barysynda sharaǵa arnaıy kelgen Aýǵan soǵysyna qatysýshylardyń «Ardager» uıymynyń tóraǵasy T.Hasen, ardagerler J.Jaınaq, U.Qalyq, S.Jaqan, B.Taıbek, D.Ábdirahman, Chernobyl apatyn joıýǵa qatysýshylar uıymynyń tóraǵasy M.Baeken óz estelikterimen bólisip, jastarǵa aǵalyq jyly lebizderin arnady.
Shara sońynda konferenııaǵa belsendi qatysqan jastar men ardagerlerge «Qazaq halqynyń murasy» kitaptar serııasymen qazaqtyń áskerı tarıhy men batyrlarynyń eńbegin nasıhattaý maqsatynda 2020 jyly jaryq kórgen «Jaýyngerlik Dańq» lentasy tabys etildi.
Qaraǵandy tehnıkalyq ýnıversıtetiniń
Tarıh kafedrasynyń qyzmetkeri
N.Oshan
