Qazaqstannyń BAÁ-degi elshisi keńesshisiniń áıeliniń jaǵdaıy belgili boldy, dep habarlaıdy "Adyrna" ulttyq portaly.
Karına Mamash "Turmystyq zorlyq-zombylyqqa ushyradym" dep úndeý jasaǵan bolatyn. “NeMolchıKZ” qory áıeldiń Qazaqstanǵa aman oralǵanyn habarlady.
Qazaqstannyń Syrtqy ister mınıstrligi Karınanyń elge oralýyn uıymdastyrǵany aıtyldy.
Karınanyń anasy qyzyna qoldaý kórsetkenderge alǵys bildirip, Karınanyń jaǵdaıy jaqsy ekenin aıtty.
Degenmen, qor qyzmetkerleriniń sózinshe áli alda kóp jumystar bar. Sebebi júıeli zorlyq-zombylyq jasaǵany úshin Sáken Mamashty jaýapqa tartý kerek, sonymen qatar Karınanyń balalarymen turatyn ornyn anyqtalýy kerektigin aıtady.
“NeMolchı” qory Karına Mamashtyń isti sońyna deıin jetkizýge nıetti ekenin málimdedi.
