Qaraǧandy oblysynda polisiianyŋ qoǧamdyq kömekşılerı arasynda oblystyq baiqau ötıp, qalalyq jäne auyldyq jerlerdegı üzdık qoǧamdyq kömekşıler anyqtaldy.
Qaraǧandy oblysy Polisiia departamentınde qūqyqtyq tärtıptı qamtamasyz etuge, azamattardyŋ qauıpsızdıgın qorǧauǧa jäne qoǧamda «Zaŋ men tärtıp» qaǧidatyn nyǧaituǧa üles qosyp jürgen polisiianyŋ qoǧamdyq kömekşılerı bas qosty.
Baiqauǧa audandar men qalalarda ötken ırıkteu kezeŋderınde bırınşı oryn alǧan 12 qoǧamdyq kömekşı qatysyp, jyl boiy atqarǧan jūmystary men qol jetkızgen nätijelerın komissiia nazaryna ūsyndy.
Is-şarany aşqan Polisiia departamentı bastyǧynyŋ orynbasary Jasqairat Qaiyrov qoǧamdyq kömekşılerdıŋ qūqyqtyq tärtıptı qamtamasyz etudegı rölıne toqtaldy.
«Bügınde oblys boiynşa 394 polisiianyŋ qoǧamdyq kömekşısı bar. Olardyŋ belsendı qatysuymen 30-dan astam qylmys pen 600-den astam äkımşılık qūqyq būzuşylyq anyqtaldy. Qoǧamdyq kömekşıler polisiia qyzmetkerlerımen bırlese otyryp, qūqyq būzuşylyqtardyŋ aldyn aluǧa jäne qoǧamdyq tärtıptı saqtauǧa eleulı üles qosyp keledı. Būl – barşamyzǧa ortaq mındet», – dedı Jasqairat Qaiyrov.
Baiqau barysynda Polisiia departamentı Qoǧamdyq qauıpsızdık basqarmasynyŋ qyzmetkerlerı qatysuşylardyŋ jyl boiy atqarǧan jūmystaryn tanystyryp, olardyŋ qūqyq būzuşylyqtardyŋ aldyn alu, qoǧamdyq tärtıptı saqtau jäne azamattarmen tüsındıru jūmystaryn jürgızu baǧytyndaǧy qyzmetıne baǧa berdı.
Polisiianyŋ qoǧamdyq kömekşılerı – qūqyqtyq tärtıptı qamtamasyz etude polisiia qyzmetkerlerınıŋ senımdı serıktesterınıŋ bırı. Olar eldı mekenderdegı qoǧamdyq ahualdy baqylauǧa, qūqyq būzuşylyqtardyŋ aldyn aluǧa, azamattarǧa zaŋ talaptaryn tüsındıruge jäne polisiiaǧa jedel aqparat jetkızuge belsendı atsalysady.
Is-şara barysynda baiqaudyŋ barlyq qatysuşylaryna Polisiia departamentı bastyǧynyŋ alǧys hattary tabystalyp, olardyŋ qoǧamdyq qauıpsızdıktı qamtamasyz etuge qosqan ülesı atap ötıldı.
Baiqau qorytyndysy boiynşa «Auyldyq jerdegı polisiianyŋ üzdık qoǧamdyq kömekşısı» nominasiiasynda Nūra audandyq polisiia bölımınıŋ qoǧamdyq kömekşısı Tölegen Esmūhanov bırınşı oryndy ielendı.
Al «Qalalyq jerdegı polisiianyŋ üzdık qoǧamdyq kömekşısı» nominasiiasynyŋ jeŋımpazy Balqaş qalasynan kelgen Anar Adambekova atandy.
«Būl marapat – atqarǧan eŋbegımızge berılgen baǧa. Aldaǧy uaqytta da polisiia qyzmetkerlerımen bırlese otyryp, qoǧamdyq tärtıptı saqtau jäne el tynyştyǧyn qamtamasyz etu jolyndaǧy jūmysty jalǧastyramyz», – dedı Anar Adambekova.
Aita keteiık, Anar Adambekova respublikalyq baiqauda Qaraǧandy oblysynyŋ namysyn qorǧaityn bolady.
Qaraǧandy oblysynyŋ PD baspasöz qyzmetı
