Qaraǧandylyq studentter men käsıpkerler tüzeu mekemesınıŋ tynys-tırşılıgımen tanysty

233
Adyrna.kz Telegram
https://adyrna.kz/storage/uploads/sKoIfUnrKOZO7tnK3iZYafMtkAhN0wT95POqzY9m.jpg

Qylmystyq-atqaru jüiesı qalai jūmys ısteidı? Onyŋ qyzmetkerlerı qandai mındetter atqarady? Tüzeu mekemelerınde käsıpkerlıktı damytuǧa qandai mümkındıkter bar? Osy jäne özge de saualdardyŋ jauabyn «Qūqyqtyq tärtıp älıppesı» jobasyna qatysqan Qaraǧandy joǧary oqu oryndarynyŋ studentterı, qoǧam ökılderı men käsıpkerler bıldı.

Tanymdyq kezdesu «Zaŋ men tärtıp» tūjyrymdamasy aiasynda ūiymdastyryldy.

Oǧan Qaraǧandy oblysynyŋ prokuraturasy men Qaraǧandy jäne Ūlytau oblystary boiynşa Qylmystyq-atqaru jüiesı departamentı mūryndyq boldy.

Aldymen qatysuşylar vedomstvonyŋ negızgı mındetterımen jäne kündelıktı qyzmetınıŋ erekşelıkterımen tanysty. Olarǧa arnaiy beinematerialdar körsetılıp, departament ǧimaraty boiynşa ekskursiia ūiymdastyryldy. Būdan bölek, jedel basqaru jüzege asyrylatyn ahualdyq ortalyqtyŋ jūmysy tanystyryldy.

Mūndai kezdesulerdıŋ maŋyzyna Qaraǧandy oblysy prokurorynyŋ orynbasary Aidyn Raev toqtaldy. Onyŋ aituynşa, jobanyŋ közdegenı – zaŋdylyq turaly tüsındırumen şektelmei, memlekettık organdardyŋ jūmysyn ıs jüzınde körsetu.

– Memleket basşysy jastardyŋ qūqyqtyq sauatyn arttyru qajettıgın bırneşe ret atap ötken bolatyn. Būl – barşamyzǧa ortaq mındet. Bızdıŋ bastamamyzben oblysta «Qūqyqtyq tärtıp älıppesı» jobasy jüzege asyrylyp keledı. Jobanyŋ maqsaty – memlekettık organdardyŋ qyzmetın közben körıp, jūmysymen jaqynyraq tanysuǧa mümkındık beru, sondai-aq memlekettık instituttarǧa degen senımdı nyǧaitu. Qylmystyq-atqaru jüiesınıŋ qyzmetkerlerı zaŋ üstemdıgı qaǧidatyn qamtamasyz etuge tıkelei üles qosyp keledı, – dedı Aidyn Raev.

Odan ärı qonaqtar Dolinka kentındegı №31 mekemege bardy.

Mūnda olarǧa sottalǧandar ornalasqan tūrǧyn aimaq körsetıldı.

Qatysuşylar ashanany, jasaqtardy, klubty, kıtaphanany jäne medisinalyq bölımşenı aralap, sottalǧandardyŋ tūrmys jaǧdaiy men mekemenıŋ ışkı tırşılıgıne qanyqty.

Käsıpkerler üşın kezdesudıŋ arnaiy baǧdarlamasy äzırlengen.

Olar öndırıstık aimaqty aralap, jūmys ıstep tūrǧan sehtardy kördı, mūnda şyǧarylatyn önım türlerımen tanysty. Sonymen qatar käsıpkerlerge tüzeu mekemelerımen ıskerlık bailanys ornatyp, bırlesken jobalardy jüzege asyru mümkındıkterı tanystyryldy.

Kezdesu soŋynda qatysuşylar alǧan äserlerımen bölısıp, öz oilary men ūsynystaryn ortaǧa saldy. Sondai-aq osyndai tanymdyq ıs-şaralardy aldaǧy uaqytta da ūiymdastyru jönınde pıkır almasty.

«Qūqyqtyq tärtıp älıppesı» jobasyn Qaraǧandy oblysynyŋ prokuraturasy janyndaǧy Jobalyq keŋse jüzege asyrady. Bastama azamattardyŋ qūqyqtyq sauatyn arttyruǧa, sondai-aq memlekettık organdardyŋ qyzmetı men jūmys erekşelıkterı turaly tüsınıgın keŋeituge baǧyttalǧan.

Pıkırler