Qorǧanys-önerkäsıp keşenı - ūlttyq qauıpsızdıktı qamtamasyz etudegı basty qūral

Elımızdıŋ şetın jau baspasyn dep qorǧanysty küşeitu jazylmaǧan zaŋdylyq. Qaruly küşterdıŋ basty mındetı de beibıtşılık pen tynyştyq atty qūndylyqtardy qorǧau.  Egemen eldıŋ aq taŋynyŋ araily, tūrmysynyŋ jaily boluyn tıkelei qatamasyz etetın äskeri salanyŋ är basqan qadamy qaraşanyŋ qaşanda qaperınde.  Säikesınşe, ūltqa qaltqysyz qyzmet etıp jürgen qaruly küşterdıŋ bar jaǧdaiyn jasau memleketke artylǧan jük. Būl turaly, memleket basşysy Qasym-Jomart Toqaevtyŋ özı qorǧanys salasynyŋ äleuetın nyǧaituǧa ärdaiym basty nazar audaru  kerek , dep jiı aituda. «Geosaiasi tūraqsyzdyq, jaŋa syn-tegeurınder men qauıp-qaterler jaǧdaiynda bız ūlttyq müddemızdı qorǧauǧa, memleketımızdıŋ egemendıgı men aumaqtyq tūtastyǧyn saqtauǧa daiyn boluymyz kerek. Sondyqtan qorǧanys äleuetın nyǧaitu ärdaiym bızdıŋ maŋyzdy basymdyǧymyz bolady», dep qadap aitqan edı Qasym-Jomart Kemelūly. Rasynda, zamanaui jabdyqtalǧan äsker memlekettıgımızdıŋ berık qorǧany.  Elımızdegı qorǧanys-önerkäsıp keşenı köşten qalmai özıne tiesılını öndıru üstınde.  Respublikada ūrys qarularyn şyǧaratyn memlekettık jäne jeke menşık käsıporyn bar. Olardyŋ jalpy sany 50-ge juyq. Qaru-jaraq, äskeri tehnika boiynşa jylyna 200 mlrd teŋge önım öndırıledı eken. Jauaptylar būl mejemen toqtap qalmaimyz dep sendırude. Taiau keleşekte äskeri tehnikany jöndeu tehnologiiasyn mamandar tolyqtai igerse, joǧaryda atalǧan körsetkışter bırneşe esege ūlǧaiady dep kütılude. Elımızdıŋ Qorǧanys ministrlıgı qaru-jaraq öndıretın otandyq önerkäsıp keşenderın jan-jaqty qoldap keledı.  Öitkenı, qorǧanys-önerkäsıp keşenı - ūlttyq qauıpsızdıktı qamtamasyz etudegı basty qūral.  Ötken jyly Qazaqstanda däl osy keşendı damytuǧa baǧyttalǧan arnaiy Qor qūrylǧan bolatyn. Qordyŋ negızgı qyzmetı – otandyq ǧylymi-tehnikalyq äzırlemeler men qorǧanys-önerkäsıp keşenınıŋ jūmysyn jaŋǧyrtu. Prezident pärmenıne säikes, endıgıde Qor qorǧanys önerkäsıbınde mamandanǧan otandyq kompaniialardyŋ damuyna tıkelei yqpal etetın bolady. Qazaqstan Respublikasynyŋ prezidentı «Ädılettı Qazaqstannyŋ ekonomikalyq baǧyty» atty Joldauynda  importqa täueldılıktı azaituǧa mümkındık beretın, jergılıktı önım ülesı joǧary öndırıs keşenın qūru – asa maŋyzdy mındet , dep äskeri tehnika şyǧaru salasyn jandandyrudy qajet etetının meŋzedı. «Bızdıŋ armiiamyz joǧary tehnologiialy qaru-jaraqpen jäne äskeri tehnikamen, sonyŋ ışınde brondy tehnikamen, ūşqyşsyz basqarylatyn ūşu apparattarymen, qazırgı zamanǧy atys qarularymen jabdyqtaluǧa tiıs»,-dedı Qasym-Jomart Toqaev. Memleket basşysynyŋ aituynşa, tehnikany şūǧyl jöndeitın öndırıs oryndarynyŋ quatyn arttyryp, otandyq käsıporyndarǧa barynşa qoldau körsetken jön. Bızde oǧan qajettı materialdyq-tehnikalyq baza, bılık pen täjıribe jäne mamandarda jeterlık. Tek olarǧa qūzyrly mekemelerdıŋ tapsyrysy kerek eken. Prezident Qazaqstan halqyna Joldauynda zamanaui tehnologiia transfertın jasau jäne jaŋa öndırıster aşudy jolǧa qoiu kerektıgınde basa aitqan edı. Ol sondai-aq, qorǧanys-önerkäsıp keşenın damytu qory arqyly öz käsıporyndarymyzǧa tıkelei qarjylyq qoldau körsetıledı dep qorǧanys salasynyŋ saiyp qyrandaryna demeu bıldırgen bolatyn. Bügınde memleket basşysy aitqan tapsyrmalar tiıstı djeŋgeide oryndaluda.  Mäselen, Toqaev öz sözınde aitqan ūşqyşsyz basqarylatyn ūşatyn tehnikada alǧaşqy synaǧynan öttı. Būlda otandyq qorǧanys-önerkäsıp keşenınıŋ jetıstıgı. Qorǧanys ministrlıgınıŋ ūşqyşsyz basqarylatyn qūrylǧylardy daiyndau turaly sūrauyna eldıŋ qorǧanys-önerkäsıp keşenınıŋ qūramyna kıretın bırneşe qazaqstandyq kompaniia bırden jauap bergen.  Qysqa uaqyt aralyǧynda otandyq öndıruşıler ūşqyşsyz basqarylatyn apparatty jasap şyǧarǧan. Älı de bolsa, bır qaişauy ışınde bolǧanymen bastama jaman emes, deidı mamandar.  Jalpy, elımızdegı barlyq ūşu  tehnikasy zamanaui beinebaqylau qūraldarymen, datchiktermen, qaşyqtyq ölşegıştermen jäne teplovizorlarmen jabdyqtalǧan.  Vedomstvo ökılderınıŋ sözıne sensek, ūşqyşsyz basqarylatyn apparattardy qaru-jaraq qūramyna qabyldau biudjet qarajatyn edäuır ünemdeuge, olardy keiınnen kütıp ūstau jäne jaŋǧyrtu mäselelerın tez arada şeşuge mümkındık beredı. Bügıngı künı özımızde öndırıletın äskeri tehnikanyŋ san türı bar.  Kemelerden bastap brondy kölık­terge deiın  qazaqstandyq qorǧanys-önerkäsıp keşenerınde şyǧarylady. Qoryta aitar bolsaq, elı­mızde tehno­lo­giiany damytuǧa qor­ǧanys-önerkäsıp ke­şenderınıŋ  qos­qan ülesı orasan zor.