Dýbaıda qazaq kásipkerleri qaýymdastyǵy quryldy

1223
Adyrna.kz Telegram

Birikken Arab Ámirliginde Qazaqstannan kelgen kásipkerlerdiń «KIT Dubai» bıznes-qaýymdastyǵynyń tusaýy kesildi. Bul týraly kásipker, qaýymdastyq basshysy Jandar Sadyqov málimdedi. Uıym maqsaty – Dýbaıda kásip bastaǵan qazaq kásipkerlerine qoldaý kórsetip, iskerlik orta qalyptastyrý. Sharaǵa qazaqstandyq kásipkerler men BAÁ-degi QR elshiliginiń ókilderi qatysty.

Jandar Sadyqovtyń aıtýynsha, qazir Dýbaıda jumys isteýge Qazaqstannan barǵan kásipkerler kóp.

«Alaıda jergilikti jerdiń bıznes zańdylyqtaryn, naryqtaǵy básekelestikti bilmegendikten nemese qoldaý kórsetetin ortasy bolmaǵandyqtan isin júrgize almaı elge qaıtýǵa májbúr bolatyndar kóp. Sol sebepti, aldymen Ámirliktegi qazaq kásipkerlerin bir-birimen jaqyn tanystyryp, túrli is-sharalar, trenıngter uıymdastyrý arqyly birligin arttyrýǵa, jańa seriktester tabýǵa septesýge kúsh salǵaly otyrmyz. Dýbaıdaǵy kez kelgen kásipker, otandastarymyz bizden kómek suraı alady»,- deıdi ol.


Aıta keteıik, «KIT» Bıznes qaýymdastyǵy» zańdy tulǵalar birlestigi qazirgi ýaqytta Qazaqstannyń alty qalasynda – Astana, Almaty, Qaraǵandy, Qostanaı, Shymkentte jumys isteıdi. Sheteldegi birinshi fılıaly Dýbaıda ashylyp otyr. Qaýymdastyq 2020 jyly Atameken kásipkerlik palatasynyń akkredıtaııasynan ótken.

Pikirler