Memleket basşysy Qasym-Jomart Toqaev AQŞ sauda palatasynyŋ aǧa vise-prezidentı Huş Choksimen kezdestı, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady.
Kezdesu barysynda Prezident Qazaqstannyŋ AQŞ prezidentı Donald Tramp äkımşılıgımen syndarly özara ıs-qimyldy nyǧaituǧa daiyn ekenın mälımdedı.
Ol Qazaqstan men AQŞ arasyndaǧy sauda-ekonomikalyq jäne investisiialyq serıktestıktıŋ strategiialyq sipatyna erekşe toqtaldy.
Sondai-aq Prezident Qasym-Jomart Toqaev amerikalyq kompaniialar üşın qolaily investisiialyq ahualdy qamtamasyz etuge Qazaqstannyŋ beiıldı ekenın rastady.
Taraptar asa maŋyzdy paidaly qazbalardy igeru, energetika, sifrlyq infraqūrylym, jasandy intellekt, kölık bailanysyn damytu, ozyq tehnologiialar, auyl şaruaşylyǧy jäne qarjy qyzmetterı salalaryndaǧy yntymaqtastyqty keŋeitu perspektivalaryn talqylady.
Öz kezegınde Huş Choksi Qazaqstan men AQŞ arasyndaǧy ekıjaqty bailanystardy odan ärı damytuǧa zor äleuet bar ekenın atap ötıp, strategiialyq maŋyzy bar bırqatar salada bırlesken jobalardy jüzege asyruǧa daiyn ekenın jetkızdı.
