Darıǵa Nazarbaeva saıasatqa aralassa, qoldaý kerek. Bul pikirdi saıasatker Ǵalymjan Jaqııanov aıtty, dep habarlaıdy “Adyrna” ulttyq portaly.
“Darıǵa Nazarbaeva saıasatqa aralasam dese, qoldaý kerek. Óıtkeni, onyń óziniń qylmys jasaǵany bolmasa, ony nege saıasatqa aralastyrmaıdy. Múmkin onyń aıtar pikiri bar shyǵar. Múmkin onyń qazirgi Toqaevtyń jasap jatqan “sýper prezıdenttik respýblıkany jalǵastyramyn” degen sózine qarsy pikiri bar shyǵar.
Darıǵanyń ózi “elimizge demokratııa kerek, elimizge parlamenttik respýblıka kerek”, dep uran shyǵarsa, ony biz nege qoldamaımyz?!
Báriniń bir-aq oıy bar. “Nazarbaevtyń dáýiri ketti. Osy adamdardy memleketten shyǵaryp tastaıyq, jolatpaıyq”, degen sóz durys emes. Biz júıeni ózgertemiz, biraq óz adamdarymyzdy qýyp salyp, qurtyp jiberýge bolmaıdy. Osy eldiń azamaty bolsa, osy sharýaǵa aralasýǵa quqyǵy bar azamattardyń bárin aralastyrýymyz kerek”,- dedi ol.
