Almatydaǧy oqu poligonynda ötken jattyǧu kezınde äskeri qyzmetker öz aiaǧyna oq atqan, dep habarlaidy "Adyrna" ūlttyq portaly.
Būl aqparatty Ūlttyq ūlan baspasöz qyzmetı rastady.
Aldyn ala mälımetke säikes, sarbaz qauıpsızdık talaptaryn būzǧan.
Oqiǧa13 qaŋtar künı saǧat 15:05 şamasynda 5571 äskeri bölımnıŋ jeke qūramymen jauyngerlık daiyndyq aiasynda oqu atysy kezınde bolǧan.
“Qauıpsızdık şaralaryn saqtamau saldarynan 2–2025 şaqyrylymynyŋ merzımdı äskeri qyzmetkerı, qatardaǧy G, AK-74 avtomaty arqyly sol jaq aiaǧyna janai oq tigızıp, özıne jaraqat saldy. Oqiǧa ornynda oǧan qajettı medisinalyq kömek körsetılıp, keiın şūǧyl türde Qonaev qalasyndaǧy qalalyq auruhanaǧa jetkızıldı. Äskeri qyzmetkerdıŋ jaǧdaiy qanaǧattanarlyq, ömırıne qauıptı müşeler zaqymdanbaǧan”, – dep habarlady vedomstvodan.
Qazırgı uaqytta oqiǧanyŋ sebepterı men män-jaiy anyqtaluda. Būl derek boiynşa qyzmettık tekserıs jürgızılıp jatyr.
