Qazaqstan mūnaiyn tasymaldaityn tankerlerge şabuyl jasaldy, dep habarlaidy "Adyrna" ūlttyq portaly Reuters agenttıgıne sıltep.
Mälımetke säikes, seisenbı künı Kaspii qūbyr konsorsiumy (KQK) terminaly maŋynda grek kompaniialary basqaratyn ekı mūnai tankerıne ūşqyşsyz ūşu apparattary arqyly şabuyl jasalǧan. Atalǧan terminal arqyly Qazaqstan mūnai eksportynyŋ şamamen 80 paiyzy tasymaldanady.
Alǧaşqy tanker – Delta Harmony – grekke tiesılı Delta Tankers kompaniiasynyŋ basqaruynda. Derekközderdıŋ aituynşa, keme «Teŋızşevroil» konsorsiumy öndırgen mūnaidy tieuı tiıs bolǧan. Ekınşı tanker – Matilda – Thenamaris kompaniiasyna tiesılı jäne Qaraşyǧanaq ken ornynan mūnai tieu josparlanǧan.
Thenamaris kompaniiasynyŋ ökılı Matilda tankerı KQK terminalynan şamamen 30 mil qaşyqtyqta, ballast küiınde kütıp tūrǧan kezde ekı dronnyŋ soqqysyna ūşyraǧanyn rastady.
«Zardap şekkender joq. Keme palubalyq qūrylymdarynan azdaǧan zaqym aldy, aldyn ala baǧalau boiynşa, olar tolyq jöndeuge jaramdy. Tankerdıŋ teŋızde jüzu qabıletı saqtalǧan jäne ol qauıptı aimaqtan şyǧyp kettı», – dedı kompaniia ökılı.
Delta Tankers kompaniiasy Reuters agenttıgınıŋ pıkır sūrauyna jedel jauap bermegen.
Teŋız qauıpsızdıgı salasyndaǧy ekı derekközdıŋ habarlauynşa, şabuyldan keiın kemede ört şyqqan boluy mümkın, alaida ol tez arada söndırılgen. Kaspii qūbyr konsorsiumy būl oqiǧaǧa qatysty tüsınıkteme beruden bas tartty.
KQK mūnai qūbyry Qazaqstan mūnaiyn Reseidıŋ oŋtüstıgındegı Novorossiisk maŋynda ornalasqan «Oŋtüstık Ozereevka» terminalyna jetkızedı.
