Abaev: Tez tanymal bolý úshin memleketti synap jatady

3927
Adyrna.kz Telegram

Dáýren Abaev Aleksandr Trýhachevtiń «Ashyq dıalog» avtorlyq baǵdarlamasynda Qasym-Jomart Toqaevtyń eki jyldyq prezıdenttik jolyndaǵy mańyzdy jaıttardy atap ótti, dep habarlaıdy “Adyrna” ulttyq portaly. 

Abaevtyń aıtýynsha, Prezıdent eki jyldyń ishinde “daǵdarys menedjeri” rólin oıdaǵydaı atqardy.

Toqaevtyń memleket basshylyǵyndaǵy alǵashqy eki jyly óte qıyn synaqtarmen ótti. Onyń eń aýyry - koronavırýs pandemııasy.

Odan bólek, elde bolǵan tótenshe jaǵdaılar bar. Olar Arystaǵy jarylys, Qordaıdaǵy oqıǵa, Maqtaaraldaǵy tasqyn sý.

Osynyń barlyǵyn aıta kele, eki jyl ishinde prezıdent daǵdarys menedjeri rólin oıdaǵydaı atqaryp keledi.

“Kóbine oǵan qıyn, biraq batyl sheshimder qabyldaýǵa týra keldi, eń qıyn sátte bizdiń qoǵamdy biriktire bildi”,- dedi Abaev.

Toqaev prezıdenttiginiń taǵy bir mańyzdy ereksheligi - bul “halyq únine qulaq asatyn memleket”.

Abaev bul ýaqtyly qabyldanǵan jáne óte qajet tujyrymdama ekenin alǵa tartty.

Bul tek qaǵıda nemese ıdeıa emes, bul saıasat.

Bul qabyldanǵan dúnıe memlekettiń barlyq ózgeristerin jazýǵa arnalǵan mańyzdy qural bolýy kerek ekenin kórsetti.

Onyń ishine azamattarmen baılanys, áleýmettaný, saraptamalyq-taldamalyq komponent jáne taǵy da basqalar qamtıdy.

Memlekettik organdardaǵy, ásirese Prezıdent Ákimshiligindegi osy sekildi quramdas bólikter aıtarlyqtaı kúsheıip keledi.

“Biz memleket basshysynyń ıdeıasyn túsinýimiz qajet. Tek “halyq únine qulaq asatyn memleket” ádil memleketke aınalýǵa qabiletti, al ádilettilik - Toqaevtyń saılaý naýqanynyń negizi”, - dedi Abaev.

Halyq arasynda tanymal bolýdyń eń ońaı joly - memleketke syn aıtý jáne pessımızm.

“Innovaııalardy júıeli túrde baǵalaýǵa tyrysý áldeqaıda qıyn. Saıasatta elikteý bolmaıtynyn túsiný kerek. Bul eskirgen tásil”,- dep túıindedi ol.

”Adyrna” ulttyq portaly

Pikirler