Qorqyt ata atyndaǧy Qyzylorda universitetınde studentterge arnalǧan «äleumettık satylar», «äleumettık jobalar», memleket esebınen oqu mümkındıgı, oqu aqysy, qoǧamdyq kölıkte jüru, studenttık jataqhanaǧa ornalasu jeŋıldıgı men tamaqtanuǧa ötemaqy, jūmyspen qamtu, käsıpkerlıkpen ainalysu, şyǧarmaşylyqpen, sportpen şūǧyldanuǧa mümkındıkter jäne basqa da äleumettık qoldaular qarastyrylǧan.
Prezidentımızdıŋ tapsyrmasy boiynşa jyl saiyn jaŋadan studenttık jataqhanalar salu mäselesı bızdıŋ aimaǧymyzda da oŋ şeşımın tabuda. Universitettıŋ studenttık jataqhanalarymen qatar, memleket qoldauymen salynǧan jeke käsıpkerlermen de kelısım-şarttar jasalǧan. Universitette barlyq ötınışter qanaǧattandyrylyp, 1218 bılım aluşy orynmen qamtamasyz etıldı. Türlı äleumettık sanattar boiynşa studentterge jataqhanada tegın jäne jeŋıldıkpen tūruǧa mümkındıkter jasalǧan.
Memleket basşysy Qasym-Jomart Toqaevtyŋ tapsyrmasyna säikes jyl saiyn jastardyŋ tegın joǧary bılım aluyna qoldau artyp keledı. Būl bılımdı ärı bäsekege qabılettı ūrpaq qalyptastyruǧa baǧyttalǧan naqty qadam. Universitette 2024-2025 oqu jylynda 10231 bılım aluşy bar. Onyŋ ışınde 4905 jas memlekettık tapsyrys negızınde oqidy.
Sonymen qatar, studentterdı äleumettık qoldau maqsatynda oqu aqysyna jeŋıldık jasau mäselesı de jüielı qolǧa alynǧan. Qazırgı taŋda är türlı sanattaǧy 1552 bılım aluşyǧa oblystyq äkımdık, universitet, demeuşı ırı kompaniialar, qoǧamdyq qorlar men qarjy instituttary tarapynan bılım granttary men oqu aqysyn töleuge qoldau körsetılgen.
El Prezidentınıŋ 2025 jyldyŋ 1 qyrküiegınen bastap bılım aluşylardyŋ şäkırtaqy kölemınıŋ 2 esege ösıru jönındegı tapsyrmasy jastar üşın quanyşty jaŋalyq boldy. Bızdıŋ öŋırde bılım aludyŋ eŋ basty erekşelıgı - elımız boiynşa berıletın eŋ joǧary şäkırtaqy mölşerı. Şäkırtaqynyŋ ösuı studentterdı äleumettık qoldaumen qatar, bılım aluǧa degen yntasyn arttyrady.
Jyl saiyn oblystyq äkımdıktıŋ qoldauymen äleumettık az qamtamasyz etılgen jäne köpbalaly otbasynan şyqqan bılım aluşylarǧa qoǧamdyq kölıkte jüru üşın qarjylai kömek körsetılıp keledı. 2024-2025 oqu jyly boiynşa 216 bılım aluşy osy mümkındıkke ie boldy.
Biylǧy oqu jylynda ata-analarynyŋ qamqorlyǧynsyz jetım qalǧan 57 bılım aluşyǧa tamaqtanu üşın ötemaqy jäne bırjolǧy aqşalai järdemaqy berıldı.
Prezidentımızdıŋ elımız boiynşa Jasandy intellekt baǧytyndaǧy naqty tapsyrmalaryna säikes universitettıŋ bas oqu ǧimaratynyŋ janynda Jasandy intellekt bazasynda jūmys atqaratyn BIC ortalyǧynyŋ startap kovorkingı salynyp, jaqynda qoldanysqa berıldı. Būl öz kezegınde kreativtı jobalardyŋ paida boluyna jol aşady.
Universitette sporttyŋ 11 türınen seksiialar qyzmet jasaidy. Atap aitqanda şahmat, toǧyzqūmalaq, qazaq küresı, voleibol, basketbol, futbol, üstel tennisı, boks, pauerlifting, jüzu, fitnes boiynşa baǧyttar bar. Universitettıŋ 95 studentı Älem, Aziia jäne türlı halyqaralyq chempionattardyŋ jeŋımpazdary men jüldegerlerı.
Kez-kelgen studenttıŋ oqu-tärbie üderısınde özın-özı damytuyna barlyq jaǧdailar jasalǧan. Ol üşın 5 oqu zaly, 4 elektrondyq oqu zaly jäne OPEN SPACE jaŋa ülgıdegı kıtaphana, 1 958 057 million kıtap qory, jaŋa ülgıdegı kompiuterlık park, 64 mamandandyrylǧan oqu zerthanalary, ärbır bılım beru baǧdarlamalarynyŋ janyndaǧy pändık üiırmeler, «Arheologiia jäne etnografiia» ǧylymi-zertteu ortalyǧynyŋ körme zaly, universitettıŋ tarihi mūrajaiy, Studentter saraiy, dybys jazu studiiasy, «Seihun» sporttyq-sauyqtyru keşenı, 7 sport zaly men 5 jazǧy sport alaŋy, 7 studenttık ashana, bas oqu ǧimaraty janyndaǧy ashanasy bar kovorking ortalyǧy, medisinalyq punkt qyzmet etedı. Barlyq oqu ǧimarattarynda WI-FI jelısı qosylyp, bılım aluşylardyŋ üzılıs uaqytynda demalyp otyrularyna arnaiy oryndar, köŋıl-küilerın köteruge oŋ äser etu üşın muzykalyq apparaturalar ūiymdastyrylǧan.
J.N. BAZARTAI
«Qorqyt Ata atyndaǧy Qyzylorda universitetınıŋ Äleumettık jäne tärbie jūmystary jönındegı prorektory
