Pavlodar oblysynda balabaqşada balaǧa dene jaraqatyn salǧan tärbieşegı qatysty tekseru bastaldy, dep habarlaidy “Adyrna” ūlttyq portaly.
21 qazan künı Pavlodar oblysynyŋ Aqsu qalasy polisiiasyna kämeletke tolmaǧandardyŋ zaŋdy ökılderınen balalarǧa dene jaraqatyn keltırgen №12 balabaqşanyŋ tärbieşısıne qatysty şara qabyldau turaly ūjymdyq ötınış kelıp tüstı.
Osy ötınış boiynşa polisiia tekserudı bastap, balabaqşaǧa ornatylǧan kameralardan beinejazbalar alyndy. Beinenı qarau kezınde balabaqşa qyzmetkerı kämeletke tolmaǧandardy ūryp-soqqany anyqtaldy. Atalmyş faktı boiynşa sot-medisinalyq saraptamasy taǧaiyndaldy. 44 jastaǧy tärbieşıge qatysty QR QK-nıŋ 110-baby boiynşa sotqa deiıngı tergeu bastaldy.
«Sondai-aq tekseru nätijelerı mektepke deiıngı mekemenıŋ basşysyna qatysty tärtıptık şara qabyldau üşın oblystyq bılım basqarmasyna jıberıletın bolady», - dep körsettı Pavlodar oblysy PD baspasöz qyzmetı.
”Adyrna” ūlttyq portaly
Ūqsas jaŋalyqtar
