Pavlodar oblysynda qatty soqqan jel saldarynan 21 auylda jaryq öştı. Elektr quatynsyz qalǧan abonentterdıŋ naqty sany belgısız. Būl turaly oblystyq tötenşe jaǧdailar departamentı mälımdedı, dep habarlaidy “Adyrna” ūlttyq portaly.
Aqparat boiynşa, apat saldaryn joiu üşın 22 adam men 5 bırlık tehnika jūmyldyrylǧan. Al jel jyldamlyǧy sekundyna 27 metrge jetken.
"8 nauryzda 04:15-te Jaŋatılek auylynda B.Haidarov atyndaǧy mekteptıŋ şatyry jartylai ūşyp kettı", – delıngen habarlamada.
Al Pavlodarda 4 qabatty äkımşılık ǧimarat şatyrsyz qaldy.
"Audany 1 440 şarşy metr bolatyn şatyr tolyǧymen ūşyp kettı. Ǧimarat 1980 jyly salynǧan, soŋǧy ret byltyr jöndeu jürgızılgen", – dep qosty vedomstvo ökılderı.
Aimaqta zardap şekkender joq. Al tūrǧyndar jel saldarynyŋ videosyn äleumettık jelıde jariialaǧan.
