Shymkentte er adamdar arasynda janjal shyǵyp, sońy atyspen aıaqtaldy, dep habarlaıdy “Adyrna” ulttyq portaly.
Janjal barysynda ústel basynda birge otyrǵan er adam travmatıkalyq tapanshasyn alyp, joldasynyń betinen eki ret oq atqan. Zardap shegýshi aman qalyp, aýrýhanaǵa jatqyzyldy.
«Kúdikti anyqtalyp, qamaýǵa alyndy. Aıǵaqty zattar alynyp, saraptama taǵaıyndaldy. "Densaýlyqqa qasaqana aýyr zııan keltirý" baby boıynsha qylmystyq is qozǵaldy. Tergeý sharalary júrgizilýde», - dep túsindirdi Shymkent qalalyq IID baspasóz qyzmeti.
Aıta keteıik, Otyrar saıtynyń málimetinshe, sot kúdiktini tergeý merzimine qamaýǵa almaı, 16 mıllıon teńge kepilmen bosatqan. Biraq sotqa «kepil» túrindegi bultartpaý sharasynyń kúshi joıylǵany týraly habarlandy.
«Qylmystyq ister jónindegi sot alqasynyń 22 qazandaǵy qaýlysymen kúdiktige qatysty «kepil» túrindegi bultartpaý sharasynyń kúshi joıyldy. Eki aıǵa «qamaý» túrindegi bultartpaý sharasy sankııalandy. Qaýly zańdy kúshine endi», - delingen sot habarlamasynda.
