Pavlodar oblysynda sýburqaqta shomylǵan úsh jasar qyzdy tok soǵyp, jansaqtaý bólimine tústi. Bul týraly jedel járdem stanııasynyń baspasóz qyzmeti málimdedi, dep habarlaıdy “Adyrna” ulttyq portaly.
Málimet boıynsha, 3 maýsym kúni saǵat 15:30 shamasynda Aqsý qalasynda Astana kóshesindegi Balalar shyǵarmashylyq saraıynyń janynda úsh jasar qyz kámeletke tolmaǵan úlken ápkesimen birge sýburqaqqa shomylǵan. Keıin búldirshindi tok soqqan.
Úsh mınýttan oqıǵa ornyna jedel járdem kelgen. Jaǵdaıy aýyr bala Aqsý qalalyq ortalyq aýrýhanasynyń jansaqtaý bólimine jatqyzyldy.
Kýágerlerdiń aıtýynsha, qyz sýburqaqta shomylý kezinde tok soqqan. Naýqastyń túsken kezdegi jaǵdaıy aýyrboldy. Sol sebepten jansaqtaý bólimine jatqyzyldy. Barlyq qajetti emdeý-dıagnostıkalyq sharalar júrgizildi. Sanıtarlyq avıaııa salasyndaǵy aımaqtyq mamandar keńes berdi. 21 saǵattan soń esin jıyp, jaǵdaıy ortasha aýyr qalypqa keldi. Baqylaý men emdeý jansaqtaý bóliminde jalǵasýda, - dedi vedomstvo.
