«Áıelin uryp óltirdi» dep aıyptalǵan eks-mınıstr Qýandyq Bıshimbaevtyń ákesi Ýálıhan Bıshimbaev birqatar jýrnalıst pen blogerlerdiń ústinen polıııaǵa aryz túsirgen. Ol BAQ ókilderi uly men otbasyna til tıgizdi dep esepteıdi. Bul jóninde «Gıperboreı» arnasynyń avtory Vadım Boreıko jazdy, dep habarlaıdy “Adyrna” ulttyq portaly.
«Sot-psıhıatrıalyq saraptamasyn negizge ala otyryp, sot Bıshimbaevtyń qylmys jasaǵan ýaqytta aqyl-esi durys bolmaǵan dep moıyndaıdy. Iaǵnı óziniń is-áreketine jaýap bere almaıdy. Bizdiń psıhıatr sarapshylardyń arasynda tyǵyryqqa tirelgen isterden alyp shyǵatyndary bar», - deıdi Boreıko.
Bıshimbaevtyń aryzynda jýrnalıstiń sózderi ulyna, otbasy men sarapshy psıhıatrlarǵa til tıgizý dep kórsetilgen. Al Boreıko «sózderim naqtylaý emes, jeke boljam» deıdi.
Aıta keteıik, 9 qarashada Bıshimbaevtyń áıelin ólimshi etip sabap, óltirip tastaǵany týraly aqparat taraldy. Al 10 qarasha kúni eks-mınıstr 2 aıǵa qamaýǵa alyndy.
