Reseı prezıdenti Vladımır Pýtın Tájikstan prezıdenti Emomalı Rahmondy úshinshi dárejeli «Otanǵa sińirgen eńbegi úshin» ordenimen marapattady, dep habarlaıdy "Adyrna" ulttqy portaly RIA Novostıge siltep.
Emomalı Rahmon seısenbi kúni Máskeýge eki kúndik resmı saparmen bardy. Kelissózder júrgize otyryp, Pýtın eki el arasyndaǵy qarym-qatynastardyń qarqyndy damyp kele jatqanyn jáne saıası baılanys óte joǵary deńgeıde ekenin, Reseı Tájikstannyń negizgi saýda-ekonomıkalyq áriptesi ekenin atap ótti.
Bıyl Reseı Federaııasy men Tájikstan Respýblıkasy arasyndaǵy Dostyq, yntymaqtastyq jáne ózara kómek týraly negizgi sharttyń jasalǵanyna 30 jyl tolady. Tájikstan basshysy joǵary marapatqa eki el arasyndaǵy strategııalyq seriktestik pen odaqtastyq qatynastaryn nyǵaıtýǵa, sondaı-aq aımaqtyq turaqtylyq pen qaýipsizdikti qamtamasyz etýge qosqan zor jeke úlesi úshin ıe boldy.
«Reseı-Tájikstan qarym-qatynastaryndaǵy eń mańyzdy jetistikter – saıasat, ekonomıka, bilim, mádenıet – osy salalar men talpynystarǵa múddeli belsendiligińiz jáne qoldaýyńyzǵa tikeleı baılanysty desek, artyq aıtqandyq bolmas», – dedi Pýtın marapattaý rásiminde.
Ol elder arasyndaǵy kópjyldyq birlesken jumys barysynda ózara tıimdi sheshimder tabýǵa jáne Reseı Federaııasy men Tájikstan arasyndaǵy kóp qyrly yntymaqtastyqty birlesip damytýǵa, olardy dáıekti túrde qurýǵa múmkindik beretin «shynaıy dostyq, jemisti, senimdi qarym-qatynastar» qalyptasqanyn atap ótti.
