Salyq zańnamasyna birqatar ózgerister engizildi. Atap aıtqanda, tabıǵat baılyqtaryn paıdalanýǵa qatysty jasalatyn tólemaqy jańa erejelerimen tolyqtyrylyp, 2024 jyldyń 1 qańtarynan bastap qoldanysqa engiziledi, - dep habarlaıdy "Adyrna" ulttyq portaly.
Qazirgi ýaqytta memlekettik orman qory men erekshe qorǵalatyn tabıǵı aýmaqtardaǵy (onyń ishinde dárilik ósimdikter, jabaıy jemister, jańǵaqtar, sańyraýqulaqtar, jıdekter) obektilerge ǵana salyq salynatyn bolsa, kelesi jyldan bastap osy aýmaqtan tys jerde jınalatyn jabaıy ósimdik túrleri úshin de salyq engiziledi (Salyq kodeksiniń 69-taraýynyń 6-paragrafy).
Memlekettik orman qory aýmaqtarynan, erekshe qorǵalatyn tabıǵı aýmaqtardan tyc ári farmaevtıkalyq, azyq-túlik jáne tehnıkalyq qajettilikter úshin jınalatyn jabaıy ósimdik túrleri boıynsha tólemaqy qarastyrylyp jatyr.
Oblystardyń, respýblıkalyq mańyzy bar qalalardyń jáne astananyń jergilikti ókildi organdary (Máslıhattar) ósimdikterge, ósimdikterdiń jabaıy túrlerine, qatysty tólemaqyny mólsherin belgileıdi.
Tulǵalarǵa ósimdik resýrstaryn paıdalaný quqyǵy tólemaqy tólenip, arnaıy habarlama jiberilgen jaǵdaıda ǵana berilmek.
"Adyrna" ulttyq portaly
