Resei şeteldıkterdıŋ elge kıruıne qatysty erejelerdı özgerttı. Özgerıs Qazaqstan azamattaryna da äser etedı. Būl turaly Resei Işkı ıster ministrlıgıne sılteme jasai otyryp, «Kommersant» basylymy jariialady, dep habarlaidy “Adyrna” ūlttyq portaly.
Aqparatqa süiensek, resmi Mäskeu şetel azamattaryn elge kırgızu kezınde foto jäne sausaq ızderımen säikestendıru boiynşa pilottyq joba bastaǧan. Pilottyq joba bastapqy kezeŋde Mäskeu äuejaiynda jäne Qazaqstanmen şekaradaǧy Orynbor oblysynda ornalasqan Maştakovo avtomobil ötkızu punktınde ıske asyrylady.
«Orynbor oblysynda Qazaqstanmen şekarada ornalasqan Maştakovo avtomobil ötkızu punktınde 2024 jyldyŋ 1 jeltoqsanynan bastap Reseige keletın şeteldık azamattardy foto jäne daktiloskopiialyq säikestendıru (sausaq ızderı) boiynşa eksperimenttı pilottyq joba bastalady. Prosedura Mäskeudegı äuejailarda da qoldanylady», – dep habarlady «Kommersant».
Pilottyq joba äzırge eksperimentaldy türde jürgızıledı. Testıleuden ötkennen keiın, Resei Işkı ıster ministrlıgı men Federaldy qauıpsızdık qyzmetı jobany barlyq şekaralyq aimaqta qoldanudy josparlaǧan.
Qoldanystaǧy zaŋnamaǧa säikes, Resei Federasiiasyna aqşa tabu üşın kelgen şeteldıkter kırgen künnen bastap küntızbelık 30 kün ışınde nemese jūmysqa rūqsat alu üşın ötınış bergen kezde sausaq ızın tırkeuden jäne suretke tüsıruden ötuı kerek. Ūzaq merzımge (90 künnen astam) basqa maqsattarǧa kelgender mūny kırgen künnen bastap 90 küntızbelık kün ışınde jasai alady.
Resei Federasiiasynda jūmysqa rūqsatsyz nemese patentsız jūmys ısteuge qūqyǧy bar şeteldıkter eŋbek şarty nemese jūmysty oryndauǧa azamattyq-qūqyqtyq şart jasasqan künnen bastap 30 küntızbelık kün ışınde, bıraq küntızbelık 90 künnen keşıktırmei sausaq ızın jäne suretke tüsıruden ötuı kerek.
Ūqsas jaŋalyqtar
