Reseı sheteldikterdiń elge kirýine qatysty erejelerdi ózgertti. Ózgeris Qazaqstan azamattaryna da áser etedi. Bul týraly Reseı Ishki ister mınıstrligine silteme jasaı otyryp, «Kommersant» basylymy jarııalady, dep habarlaıdy “Adyrna” ulttyq portaly.
Aqparatqa súıensek, resmı Máskeý shetel azamattaryn elge kirgizý kezinde foto jáne saýsaq izderimen sáıkestendirý boıynsha pılottyq joba bastaǵan. Pılottyq joba bastapqy kezeńde Máskeý áýejaıynda jáne Qazaqstanmen shekaradaǵy Orynbor oblysynda ornalasqan Mashtakovo avtomobıl ótkizý pýnktinde iske asyrylady.
«Orynbor oblysynda Qazaqstanmen shekarada ornalasqan Mashtakovo avtomobıl ótkizý pýnktinde 2024 jyldyń 1 jeltoqsanynan bastap Reseıge keletin sheteldik azamattardy foto jáne daktıloskopııalyq sáıkestendirý (saýsaq izderi) boıynsha eksperımentti pılottyq joba bastalady. Proedýra Máskeýdegi áýejaılarda da qoldanylady», – dep habarlady «Kommersant».
Pılottyq joba ázirge eksperımentaldy túrde júrgiziledi. Testileýden ótkennen keıin, Reseı Ishki ister mınıstrligi men Federaldy qaýipsizdik qyzmeti jobany barlyq shekaralyq aımaqta qoldanýdy josparlaǵan.
Qoldanystaǵy zańnamaǵa sáıkes, Reseı Federaııasyna aqsha tabý úshin kelgen sheteldikter kirgen kúnnen bastap kúntizbelik 30 kún ishinde nemese jumysqa ruqsat alý úshin ótinish bergen kezde saýsaq izin tirkeýden jáne sýretke túsirýden ótýi kerek. Uzaq merzimge (90 kúnnen astam) basqa maqsattarǵa kelgender muny kirgen kúnnen bastap 90 kúntizbelik kún ishinde jasaı alady.
Reseı Federaııasynda jumysqa ruqsatsyz nemese patentsiz jumys isteýge quqyǵy bar sheteldikter eńbek sharty nemese jumysty oryndaýǵa azamattyq-quqyqtyq shart jasasqan kúnnen bastap 30 kúntizbelik kún ishinde, biraq kúntizbelik 90 kúnnen keshiktirmeı saýsaq izin jáne sýretke túsirýden ótýi kerek.
