Şyǧys Qazaqstan oblysy Zaisan audanyndaǧy Saryterek auylynda jaŋǧyrtudan ötken mädeniet üiı saltanatty türde aşyldy. Jaŋarǧan mädeniet oşaǧynyŋ aşyluyna oblys äkımı Nūrymbet Saqtaǧanov pen «Qazaqstan halqyna» qoǧamdyq qorynyŋ Basqarma töraǧasy Läzzat Şyŋǧysbaeva qatysty.
Auyl üşın būl - jai ǧana ǧimarattyŋ jaŋaruy emes, mädeni ömırdıŋ jaŋa kezeŋıne bastaityn maŋyzdy qadam. Endı Saryterektıŋ balalary men jastary önerın şyŋdap, şyǧarmaşylyq qabıletın damytyp, türlı baǧytta bılımın jetıldıruge mümkındık alyp otyr.
1961 jyly salynǧan mädeniet üiı ūzaq jyldar boiy auyl tūrǧyndarynyŋ basyn qosyp, türlı mädeni ıs-şaralarǧa ūiytqy bolyp keldı. Uaqyt talabyna sai jaŋǧyrtylǧan nysan bügınde zamanaui jabdyqtarmen qamtamasyz etılıp, 180 adamǧa arnalǧan mädeni-ruhani ortalyqqa ainaldy.
2024-2025 jyldary oblystyq biudjetten mädeniet üiın kürdelı jöndeuge 345 mln teŋge bölıngen. Aumaqty abattandyru men qosymşa jöndeu jūmystaryna taǧy 11,6 mln teŋge baǧyttaldy.
Nysandy jaŋǧyrtuǧa «Qazaqstan halqyna» qoǧamdyq qory da qoldau körsettı. Qordyŋ kömegımen jüzege asqan «QH Mädeni damu alaŋy» jobasy aiasynda mädeniet üiı zamanaui qūral-jabdyqtarmen qamtylyp, oǧan ırgeles aumaq jabdyqtaldy. Jobaǧa jalpy somasy 185,2 mln teŋge baǧyttalyp, auyldyq kıtaphana da jaŋǧyrtyldy.
Saltanatty aşylu räsımınde söz söilegen Nūrymbet Saqtaǧanov auyldardaǧy mädeniet oşaqtaryn damytu - öŋırdıŋ äleumettık infraqūrylymyn jaŋǧyrtudyŋ maŋyzdy baǧyttarynyŋ bırı ekenın atap öttı.
«Memleket basşysy Qasym-Jomart Toqaev öŋırlerdı damytuǧa, halyqtyŋ ömır süru sapasyn arttyruǧa erekşe män berıp keledı. Bızdıŋ basty maqsatymyz - qala men auyl tūrǧyndaryna mädeni igılıkterge qol jetkızude teŋ mümkındık jasau. Auyl balasy da tuǧan jerınde önerın şyŋdap, qabıletın damyta aluy tiıs. Osy oraida auyl mädenietın damytuǧa qoldau körsetıp, jobanyŋ jüzege asuyna zor üles qosqan «Qazaqstan halqyna» qoǧamdyq qoryna alǧysymdy bıldıremın», - dedı aimaq basşysy.
Jaŋartylǧan mädeniet üiınıŋ basty erekşelıgı - mūnda şyǧarmaşylyqtyŋ san türlı baǧytyn damytuǧa arnalǧan arnaiy studiialar jasaqtalǧan. Atap aitqanda, mediastudiiada foto jäne beinetüsırılım jasauǧa, beinemontaj ben sifrlyq kontent äzırleuge bolady. Al dybys jazu studiiasy än jazyp, muzykalyq şyǧarmalardy käsıbi deŋgeide öŋdeuge mümkındık beredı.
Ūlttyq önerdı ūlyqtauǧa da erekşe köŋıl bölıngen.
Folklorlyq studiia, dombyra, baian jäne qobyz üiırmelerı jas ūrpaqtyŋ dästürlı önerge degen qyzyǧuşylyǧyn arttyruǧa baǧyttalǧan. Sonymen qatar teatr, vokal jäne kosplei studiialary jūmys ısteidı. Horeografiia zaly da jas önerpazdardyŋ şyǧarmaşylyq ızdenısıne jol aşady.
Kosplei studiiasynyŋ aşyluy jastar üşın tyŋ mümkındık bolmaq. Mūnda olar türlı keiıpkerlerdıŋ beinesın jasap, kostiumder äzırleu arqyly qiialy men şyǧarmaşylyq qabıletın damyta alady.
Mädeniet üiı tek üiırmeler ötetın oryn ǧana emes, auyl tūrǧyndary bas qosatyn, öner men dästür toǧysatyn ortaǧa ainalmaq.
