QR Ortalyq kommunikasiialar qyzmetınde ötken brifing barysynda Şyŋys Qazaqstan oblysynyŋ äkımı Danial Ahmetov öŋırde 181 myŋ tūrǧyn tırkelgenın atap öttı. Onyŋ ışınde äleumettık jaǧynan az qamtylǧan 27,1 myŋ köpbalaly ana bar.
Biyl köpbalaly analarǧa körsetıletın bıryŋǧai äleumettık kömek ekı esege artty. Söitıp 70 myŋnan 140 myŋǧa deiın qarajat tölenetın boldy. Al atauly äleumettık kömek üş esege köbeidı. Sondai-aq tūrǧyn üi aluǧa alǧaşqy jarna berılıp, subsidiia bölınetın boldy.
- Aǧymdaǧy jyl basynan berı äleumettık jaǧynan az qamtylǧan 21 myŋ otbasyǧa nemese 100,2 myŋ adamǧa jalpy somasy 8,3 mlrd teŋge kölemınde atauly äleumettık kömek taǧaiyndaldy. Jyl soŋyna deiın AÄK-tı şamamen 26 myŋ otbasy nemese 107,6 myŋ alady. Oǧan 11 mlrd teŋge qarastyrylǧan, - dedı Danial Ahmetov.
Sonymen qatar biyl şyǧysqazaqstandyqtardyŋ äleumettık mäselelerın şeşudıŋ naqty joldary qarastyryldy. Äleumettık jaǧynan az qamtylǧan jäne köpbalaly otbasylarda tärbielenıp jatqan 33,5 myŋ bala mektep formalarymen jäne ystyq tamaqpen tegın qamtamasyz etıldı. 3,5 myŋ bala balabaqşa tegın barady. Eŋbek naryǧynda sūranysqa ie kadrlardy daiarlau maqsatynda kolledjderge 7930 grant bölındı. JOO-nyŋ tülekterıne 400 grant (az qamtylǧan jäne köpbalaly otbasylardyŋ balalary) qarastyryldy. Olar tegın tamaq jäne jolaqymen qamtamasyz etılgen.
Biyl köpbalaly jäne äleumettık jaǧynan az qamtylǧan otbasylarǧa, sondai-aq eŋbekke jaramsyz mümkındıgı şekteulı jandarǧa jeke biznesterın aşuǧa kömek körsetu maqsatynda 1227 grant taǧaiyndaldy.
Şyǧys Qazaqstanda köpbalaly otbasylardy baspanamen qamtu jūmystary kezeŋ-kezeŋımen ıske asyryluda.
Bügınde auyldyq jerlerde tūratyn 388 otbasy nemese 23% qonys toiyn toilady. Onyŋ ışınde 231-ı biudjetten tys qarajat esebınen, 118-ŋ memlekettık tūrǧyn üi qorynan, 39-y demeuşıler tarapynan kömek alyp, üi aldy. "Baqytty otbasy" baǧdarlamasy boiynşa osy otbasylardy biudjetten tys qarajat közderı arqyly tūrǧyn üimen qamtamasyz etu mehanizmın engızu qarastyryluda.
«Adyrna» ūlttyq portaly
Ūqsas jaŋalyqtar
