Búgin, 15 maýsymda Shyǵys Qazaqstan oblysynyń qazirgi ákimi Danıal Ahmetovtiń ókilettik merzimi aıaqtalady. Ol búgin 69 jasqa toldy. Al 16 maýsymda Shyǵys Qazaqstan oblysy ákiminiń kandıdatýrasyn bekitý úshin oblystyq máslıhat depýtattarynyń jıyny ótedi, dep habarlaıdy “Adyrna” ulttyq portaly.
Danıal Ahmetov bul qyzmetti 2014 jyldan beri atqaryp keledi.
«Oblys aýmaǵynda ornalasqan máslıhattar nemese respýblıkalyq mańyzy bar qalalar máslıhattary depýtattarynyń kelisim berý qaǵıdalaryn bekitý týraly» Qazaqstan Respýblıkasy Prezıdentiniń 2022 jylǵy 8 maýsymdaǵy № 912 Jarlyǵyna sáıkes jáne oblys, respýblıkalyq mańyzy bar qala jáne astana ákimin taǵaıyndaý jónindegi» Shyǵys Qazaqstan oblysynyń aýmaǵynda ornalasqan máslıhattar depýtattarynyń jınalysy Shyǵys Qazaqstan oblysynyń ákimin taǵaıyndaýǵa kelisim beredi, 2023 jylǵy 16 maýsymda saǵat 10:30-da Óskemen qalasy, Qazaqstan kóshesi, 55 (S. Amanjolov atyndaǵy ShQ 5 korpýsy) mekenjaıynda ótedi, - delingen habarlamada.
Sonymen qatar, búgin Danıal Ahmetov 69 jasqa tolyp otyr.
«ENDI BASQA JUMYSQA EMES, ZEINETKE KETKENI DURYS»
Belgili rejısser, oppozıııa belsendisi Erkin Raqyshev ákimniń týǵan kúnin quttyqtaı otyra, ony zeınetke jiberý kerek dedi.
Danıal Ahmetov aǵamyzdy týǵan kúnimen quttyqtaımyz. Ókiletti merzimi de bitip jatyr eken. Endi ol kisi basqa jumysqa emes, zeınetke ketkeni durys. Ol ózine paıdaly bolady. Nege?
Qazir zańsyz shetelge shyqqan dúnıe-múlikterdi qaıtarý kerek degen zań shyǵyp jatyr. Aldymen, bul iri bıznesmenderge qatysy bolǵanymen, ekinshi bir ushy ákimderge de qatysty. Sondyqtan Ahmetovtiń de qylmysqa qatysy bar ma ekenin anyqtaý qajet. Keıin qylmysty bolyp jatsa, demalmaı jumys istegenine ókinip qalady. Sebebi, ol sanaly ǵumyryn “mafııaǵa” qyzmet etýge arnady. Májbúrli túrde Nazarbaevtyń talaı zańsyz buıryqtaryn oryndady, - dedi Erkin Raqyshev.
«BERDIBEK SAPARBAEVPEN TAǴDYRY BIRDEI»
Al qoǵam belsendisi, saıasatker Januzaq Ákim Danıal Ahmetovtyń elge sińgen eńbegi kóp deıdi.
Bul kisi týraly qoǵamda kóp áńgime bolyp júr. Biraq, ol tájirıbeli adam. Sodan keıin avtorıtarlyq júıeniń jáne sharýashylyqtyń adamy.
Bul Rıdderdi Altaı dep ózgertti. Al sharýashylyq jaǵyna beıim. Úkimetke de kóp jumys istedi. 90-jyldary men ákim bolǵan kezimde, ol premerdiń birinshi orynbasary boldy. Sol jyldary “shegirtkeniń qutyrǵan” qıyn kezderi boldy. Ol kezde Danıal Ahmetov nátıjeli jumys istedi. Jańa óndiris ashýda kóp kómegi tıdi. Ekonomıkadan jaqsy túsinedi. Biraq, zamanynan qalyp qoıdy. Degenmen, otbasy birinshi prezıdenttiń otbasysy sııaqty kóringen zatty jekeshelendirip, Qytaımen baılanysýda. Mundaı qatelikteri de bar.
Bul kisi Berdibek Saparbaevqa uqsas. Taǵdyry birdeı. Ekeýi de ómir boıy jumyspen kele jatyr”,- dedi Januzaq Ákim.
