Bügın Şyǧys Qazaqstan oblysynyŋ äkımı Nūrymbet Saqtaǧanov Ekologtar künıne orai ŞQO Ekologiia departamentınıŋ ǧimaratyna baryp, ūjymdy jäne būl salada jemıstı jūmys ıstep kele jatqan mamandardy qūttyqtady.
«Şyǧys Qazaqstan – tabiǧaty körkem, orman men özenge, tau-kölge bai kielı ölke. Osyndai bıregei tabiǧi mūrany saqtau jäne keler ūrpaqqa jetkızu jolynda sızder abyroily qyzmet atqaryp jürsızder. Memleket basşysy Qasym-Jomart Toqaev ekologiialyq mädeniettı qalyptastyru men eldı mekenderdı körkeituge erekşe nazar audaryp keledı. Osy baǧytta jüzege asyrylyp jatqan «Taza Qazaqstan» bastamasy qoǧamdy ortaq ıske jūmyldyryp, qorşaǧan ortaǧa degen jauapkerşılıktı arttyruda. Tabiǧatty qorǧau jolyndaǧy igı qyzmetterıŋız ärdaiym jemıstı bolsyn!», - dedı aimaq basşysy.
Nūrymbet Saqtaǧanov öz sözınde jūmystyŋ tiımdılıgı zamanaui tehnika men tehnologiialardy ūtymdy paidalanumen ölşenetındıgın jetkızdı. Ekologiia departamentınıŋ zerthanasynda 50 jyldan astam uaqyt boiy jöndeu jūmystary jürgızılmegen bolatyn. Qazır ǧimarat tolyq jaŋartylyp, zamanaui qūral-jabdyqtarmen qamtamasyz etılıp jatyr. Būl baǧyttaǧy jūmystar aldaǧy uaqytta da jalǧasady.
Şara soŋynda qorşaǧan ortany qorǧauǧa eleulı üles qosqan, el arasynda ekologiialyq mädeniettı damytuǧa jäne oblysty abattandyru men kögaldandyru jūmystaryna belsendı qatysqan jandarǧa Alǧys hattar tabystaldy.
