Şymkentte ekınşı jyl qatarynan oquşylar arasynda sporttyŋ tört türı boiynşa “Shymkent jastar ligasy” jarysy bastaldy. Būl turaly Şymkent qalasy äkımınıŋ bırınşı orynbasary Şyŋǧys Mūqan Facebook paraqşasyna jariialady, dep habarlaidy “Adyrna” ūlttyq portaly.
Biylǧy Liga Memleket basşysy jariialaǧan Balalar jyly aiasynda ötıp jatyr. Liga oiyndaryna 151 mektepten 5926 oquşy qatysty.
“Oqu jylynyŋ basynda bastalǧan Shymkent jastar ligasy öz märesıne jaqyndap keledı. Bügın Ortalyq saiabaqta şahmattan aqtyq oiyndar bastaldy. Erteŋ basketbol, sosyn voleibol, 1 mausym - Balalar künınde Ortalyq stadionda osy Ligaǧa bastamaşy bolǧan Şymkent qalasynyŋ äkımı Mūrat Äitenovtıŋ qatysuymen futboldan chempiondar anyqtalyp, marapattau räsımı ötpek.
Jalpy, biyl Liga aiasynda ötıp jatqan şahmat saiysy asa tartysty ötıp jatyr. Oǧan sebep te joq emes. Ekı jyldan berı Şymkent qalasyndaǧy mektepterdıŋ bastauyş synyptarynda aptasyna bır ret mındettı şahmat sabaǧy ötıp jatyr. Mūǧalımder şahmat oiyny oquşylardyŋ ülgerımıne de jaqsy äser etıp jatqanyn aityp jatyr”,- dedı Şyŋǧys Mūqan.
“Adyrna” ūlttyq portaly
