Shymkentte ekinshi jyl qatarynan oqýshylar arasynda sporttyń tórt túri boıynsha “Shymkent jastar ligasy” jarysy bastaldy. Bul týraly Shymkent qalasy ákiminiń birinshi orynbasary Shyńǵys Muqan Facebook paraqshasyna jarııalady, dep habarlaıdy “Adyrna” ulttyq portaly.
Bıylǵy Lıga Memleket basshysy jarııalaǵan Balalar jyly aıasynda ótip jatyr. Lıga oıyndaryna 151 mektepten 5926 oqýshy qatysty.
“Oqý jylynyń basynda bastalǵan Shymkent jastar ligasy óz máresine jaqyndap keledi. Búgin Ortalyq saıabaqta shahmattan aqtyq oıyndar bastaldy. Erteń basketbol, sosyn voleıbol, 1 maýsym - Balalar kúninde Ortalyq stadıonda osy Lıgaǵa bastamashy bolǵan Shymkent qalasynyń ákimi Murat Áıtenovtiń qatysýymen fýtboldan chempıondar anyqtalyp, marapattaý rásimi ótpek.
Jalpy, bıyl Lıga aıasynda ótip jatqan shahmat saıysy asa tartysty ótip jatyr. Oǵan sebep te joq emes. Eki jyldan beri Shymkent qalasyndaǵy mektepterdiń bastaýysh synyptarynda aptasyna bir ret mindetti shahmat sabaǵy ótip jatyr. Muǵalimder shahmat oıyny oqýshylardyń úlgerimine de jaqsy áser etip jatqanyn aıtyp jatyr”,- dedi Shyńǵys Muqan.
“Adyrna” ulttyq portaly
