Erjan Seitenov Şymkent qalasy äkımınıŋ orynbasary lauazymyna taǧaiyndaldy, dep habarlaidy «Adyrna» tılşısı.
«Qazaqstan prezidentı äkımşılıgınıŋ kelısımımen jäne qala äkımınıŋ ökımımen Şymkent qalasy äkımınıŋ orynbasary lauazymyna Erjan Seitenov taǧaiyndaldy»,—delıngen habarlamada.
Erjan Irgebaiūly 1974 jylǧy 18 qyrküiekte Qyzylorda oblysy, Jaŋaqorǧan audanynda düniege kelgen. Eŋbek jolyn 1990 jyly Jaŋaqorǧan temır-beton konstruksiialaryn öndıru käsıporny jūmysşysy bolyp bastaǧan.
2002-2016 jyldar aralyǧynda jeke sektorda jauapty basşylyq qyzmetter atqarǧan. 2016-2021 jyldar aralyǧynda Almaty qalasynyŋ Jerdıŋ paidalanyluy men qorǧaluyn baqylau, Jasyl ekonomika, Tūrǧyn üi saiasaty basqarmalarynyŋ basşysy, 2021-2023 jyldary Almaty qalasy Almaly audanynyŋ äkımı lauazymynda eŋbek etken.
Aita keteiık, ol 2023 jylǧy qazan aiynan bastap bügıngı künge deiın Şymkent qalasy äkımınıŋ apparat basşysy boldy.
25 tamyzda Şymkent äkımınıŋ ekı bırdei orynbasary taǧaiyndalǧan bolatyn.
