26 qazan kúni Shymkentte «Aq jol» Dempartııasynyń barlyq deńgeıdegi depýtattarynyń jyl saıynǵy forýmy ótti.
Forýmǵa partııa atynan Májiliske, oblystyq, qalalyq jáne aýdandyq máslıhattarǵa respýblıkalyq mańyzy bar qalalar men barlyq oblystardan saılanǵan 203 depýtattyń 152-si qatysty.
«Aq jol» dempartııasynyń barlyq deńgeıdegi depýtattarynyń jyl saıynǵy forýmdaryn ótkizý ıgi dástúrge aınalyp, partııa bul sharalardy óńirlerde ótkizýge tyrysýda.
Qatysýshylar Prezıdent Q.Toqaevtyń jaqynda Astanada ótken máslıhat depýtattarynyń forýmynda sóılegen sózinde kóterilgen birqatar máselelerdi talqylady, sonyń ishinde, Parlamenttegi zań jobalaryn, eń aldymen bıýdjet jáne salyq zańnamasyn qaraýǵa máslıhat depýtattaryn tartýǵa qatysty.
Osy oraıda partııa tóraǵasy Azat Perýashev áriptesterin Májilis qabyldap jatqan zań jobalaryna nazar aýdarýǵa shaqyrdy.
Májilistegi «Aq jol» dempartııasy frakııasynyń apta saıynǵy otyrystary beınekonferenııa arqyly barlyq fılıaldardyń qatysýymen ótip, barlyq máslıhat depýtattary qandaı zańdardy talqylaýǵa múddeli ekenin aldyn ala anyqtaýǵa múmkindik alady. Osy rette, sondaı-aq naqty usynystar bolǵan jaǵdaıda, bizdiń máslıhat depýtattaryn Májilistiń tıisti jumys toptaryna qosý týraly ótinishterdi frakııa apparatynyń basshysy B.Dúısembınovke joldaýǵa bolady.
Sondaı-aq, dempartııa lıderi máslıhattar men ákimdikter arasyndaǵy tejemelik pen tepe-teńdiktiń naqty balansyn qurý, jergilikti depýtattardyń mártebesi men ókilettikterin arttyrý, Prezıdent Q.Toqaevtyń «kúshti prezıdent – yqpaldy parlament – esep beretin úkimet» qaǵıdasyn ortalyqta ǵana emes, memlekettik bıliktiń búkil tanmaǵynda júzege asyrý qajettigi týraly 2023-24 jyldary «Aq jol» frakııasy jasaǵan birqatar depýtattyq saýaldardy da eske salýdy jón kórdi.
A.Perýashev jınalǵandardy Respýblıka kúnimen quttyqtap, bul merekeniń tarıhı mánine nazar aýdara otyryp, 1990 jyldyń 25 qazanynda Qazaq KSR Joǵarǵy Keńesiniń memlekettik egemendik týraly deklaraııany qabyldaýy shyn máninde 1917 jyly «Alashorda» kósemderi negizin qalaǵan «Alash» ulttyq ıdeıasyna qaıta oralýdy bildirgenin atap ótti.
Máslıhat depýtattarynyń jańa múmkindikterin júzege asyrý úshin ol konkýrstyq irikteý negizinde Májilistegi «Aq jol» dempartııasynyń depýtattyq frakııasynda taǵylymdamadan ótýdi usyndy. Iaǵnı máslıhat depýttary aıyna bir ret Astanaǵa kelip, partııanyń ortalyq apparatynda jáne Májilistegi depýtattyq frakııada jumys isteýge, zań shyǵarý jumystarymen tanysýǵa, depýtattyq saýaldar daıyndaýǵa, jumys toptarynyń talqylaýyna jeke qatysýǵa, t.b. múmkindik alady.
«Aq jol» dempartııasynyń tóraǵasy forýmnyń maqsaty máslıhat depýtattaryn partııa basshylyǵynyń jáne depýtattyq frakııanyń jumysymen tanystyrý emes, jergilikti máslıhattarda jumys isteıtin áriptesterdiń kóbi partııalyq tizim boıynsha ǵana emes, bir mandatty okrýgter boıynsha da saılanǵanyn eskere otyryp, olarmen keri baılanys jasap, pikir almasý ekendigine úzeńgilesterdiń nazaryn aýdardy.
QR Prezıdenti Q.Toqaevtyń máslıhat depýtattarynyń Parlament jumysyna qatysýyn belsendirý jónindegi tapsyrmasyn oryndaý maqsatynda Májilis basshylyǵy qabyldaǵan sheshimder men naqty usynystar jóninde QR Parlamenti Májilisiniń vıe-spıkeri, «Aq jol» dempartııasy atynan saılanǵan Parlament depýtaty Danııa Espaeva baıandama jasady.
«Aq jol» dempartııasy tóraǵasynyń orynbasary, Májilis depýtaty Qazybek Isa búginde «Aq jol» dempartııasy atynan saılanǵan Májilis depýtattary qazirgi ýaqytta daıyndap jatqan jáne osy jyldyń sońy men kelesi jyldyń basynda usynylatyn zań jobalaryna toqtaldy.
Partııa Tóraǵasynyń orynbasary, Májilis depýtaty Serik Erýbaev Qytaı Kommýnıstik partııasynyń shaqyrýymen «Aq jol» dempartııasy iskerlik delegaııasynyń Qytaı Halyq Respýblıkasyna saparynyń qorytyndylary týraly baıandady, ár óńirlerdegi 20-ǵa jýyq kásipker delegaııa quramynda Qytaı kásiporyndarynyń jumysymen tanysyp, birqatar salalar boıynsha seriktestik jasaý týraly kelisimge kelýge múmkindik aldy.
Sondaı-aq forým barysynda «Aq jol» demokratııalyq partııasynan saılanǵan máslıhat depýtattary Janargúl Qulmaǵambetova (Astana), Jalǵas Aǵısov (Jańaózen), Evgenıı Kınel (SQO), Arman Ábilhasynov (Temirtaý), Sultan Kóshenov (Túrkistan), Erlan Qaıyrdenov (Atyraý), Ardaq Mansurov (Túrkistan), Erǵalı Dildábek (Aqmola oblysy), t.b. sóz sóıledi.
Máslıhat depýtattary ınvestıııalyq jobalardy qoldaý, bıznesti salyq jáne quqyq qorǵaý organdarynyń negizsiz qýdalaýynan qorǵaý; salyqtyq, tarıftik jáne syrtqy ekonomıkalyq saıasat; aýyl sharýashylyǵy ónimderin óńdeýdegi sýbsıdııalar, nesıeler boıynsha aýyr paıyzdyq mólsherlemeler, damý ınstıtýttarynyń tańdaýly saıasaty, memlekettik satyp alýlar men iri korporaııalardyń satyp alýlaryndaǵy ashyq emes proedýralar jáne t.b. máselelerdi kóterdi.
Jer qoınaýyn paıdalanýshylardyń ekologııalyq buzýshylyqtary úshin aıyppuldaryn jergilikti bıýdjetke aýdarý; memlekettik basqarý júıesinde memlekettik tildiń qoldanys aıasyn keńeıtý, jastardy kásipkerlikke tartý, kandastardy qoldaý týraly usynystar aıtyldy.
Soltústik Qazaqstan oblystyq máslıhatynyń depýtaty Evgenıı Kınel máslıhat sessııasynyń kún tártibin qalyptastyrýdyń mańyzdy máselesin kóterdi, ony búginde ákimdikter tolyǵymen belgileıdi, al depýtattardyń ózderi óz bastamalary boıynsha máselelerdi qaraýǵa qol jetkize almaı otyr. Osy oraıda partııa tóraǵasy óz máslıhattarynyń kezekti jáne kezekten tys sessııalarynyń kún tártibin qalyptastyrý kezinde depýtattardyń quqyqtaryn júzege asyrýǵa qatysty usynystar daıyndaýdy tapsyrdy.
Azat Perýashev múmkindikti paıdalana otyryp, jergilikti máslıhat depýtattarynyń ótken jáne bıylǵy jyly bólshek salyqtardy tómendetýdegi belsendi ustanymdary úshin alǵysyn bildirdi, bul barlyq jerde (Almatydan basqa) shaǵyn bızneske salyq júktemesin azaıtýǵa qol jetkizýge múmkindik berdi.
OL QR Qarjy mınıstrligi Memlekettik kirister komıteti basshylyǵynyń «Atameken business» telearnasynyń tikeleı efırinde bergen túsindirmesine saı, 2025 jylǵa qalalar jáne oblystar boıynsha bólshek saýda salyǵyn tómendetý úshin bıylǵy jyldyń 1 jeltoqsanyna deıin bul máseleni qaıta kóterý qajettigin eske saldy. Ár jyl úshin bólshek salyq stavkasy ótken jyldyń birinshi jeltoqsanyna deıin bólek belgilenetini aıtylǵan. Osyǵan baılanysty bul jumysty jandandyrý qajet. Búginge deıin oblys, aýdan, qalalardyń birqatar depýtattary tıisti depýtattyq saýaldaryn joldap úlgerdi. Birqatar memlekettik organdardan oń jaýaptar alyndy, biraq bul jumystyń qarqynyn joǵaltpaı, aıaǵyna deıin jetkizý mańyzdy.
Erkin talqylaý aıasynda partııanyń ortalyq basshylyǵynyń, parlamenttik frakııanyń jáne «Aq jol» dempartııasynyń aýdandyq, qalalyq jáne oblystyq deńgeıdegi depýtattarynyń ózara is-qımylynyń basqa da máseleleri kóterildi.
