Memleket basşysynyŋ tapsyrmasy boiynşa jaryq körgen «Aşarşylyq. Golod. 1928-1934. Derektı hronika» atty jaŋa eŋbek köpşılıkke tanystyryldy dep habarlaidy "Adyrna" ūlttyq portaly.
Būl turaly QR Parlamentı Senatynyŋ töraǧasy Mäulen Äşımbaev özınıŋ Facebook paraqşasynda jazdy:
"Üş tomdyq kıtapta zobalaŋ jyldarǧa qatysty tyŋ derekter men tarihi qūjattar jinaqtalǧan. Olar aşarşylyqtyŋ alǧyşarttary jäne tragediialyq saldary turaly mälımetterdı qamtidy.
Barlyq qūjattar elımızdıŋ ortalyq jäne öŋırlık arhivterınen alyndy. Basqa memleketterdıŋ arhivterınde saqtalǧan derekter de jinaqqa engızıldı. Sonyŋ nätijesınde būryn qolǧa tüsıru qiyn bolyp kelgen jäne būǧan deiın jariialanbaǧan bırqatar mälımetter köpşılık üşın qoljetımdı bolyp otyr. Jaŋa tuyndy universitetterge, ǧylymi zertteu instituttaryna jäne ortalyq, öŋırlık kıtaphanalarǧa jıberıledı.
Jalpy, aşarşylyqtyŋ zardaby ūltymyz üşın öte auyr bolǧany belgılı. Būl baǧytta aşylmaǧan aqiqattar men jazylmaǧan jaittar älı de az emes. Sondyqtan Prezidentımız osy taqyrypty zertteu turaly naqty tapsyrma bergen edı. Sonyŋ aiasynda Senat aqpan aiynda auqymdy döŋgelek üstel ötkızdı. Bügın tanystyrylǧan eŋbektı sol ıs-şaranyŋ nätijesı jäne Senattyŋ aşarşylyqty zertteuge qosqan naqty ülesı dep aituǧa bolady.
Osy rette, bar bolǧany üş-aq aidyŋ ışınde myŋnan astam arhiv qūjattaryn jinap, qūndy dünie daiyndaǧan avtorlardyŋ eŋbegın erekşe atap ötkım keledı. Eldık müdde jolynda aianbai jūmys ıstegen
Berık Äbdıǧaliūly bastaǧan ūjymǧa, redaksiia alqasyna jäne qoldau körsetken barşa azamattarǧa alǧysymyzdy bıldıremız.
Ärine, būl ıste bır kıtappen şektelıp qaluǧa bolmaityny tüsınıktı. Qūjattar men derekterdı ärı qarai da jinaqtau qajet. Sonymen bırge jariialanǧan mälımetterdıŋ negızınde jan-jaqty ǧylymi zertteuler jürgızu de maŋyzdy maqsattardyŋ bırı. Ol üşın memlekettık organdar tarapynan tiıstı qoldau körsetıle beredı. Sondyqtan aldaǧy uaqytta būl salada keşendı jäne jüielı jūmystar jalǧasady dep senemız.
Köpşılıkke jol tartqan jaŋa eŋbektıŋ tarihymyzdyŋ aqtaŋdaq betterın aşuǧa, täuelsızdıgımızdı nyǧaituǧa jäne ūlt sanasyn jaŋǧyrtuǧa qosar ülesı mol bolsyn!".
"Adyrna" ūlttyq portaly.
Ūqsas jaŋalyqtar
