Maŋǧystauda ŪQK Şekara qyzmetınıŋ qyzmetkerı jalǧan neke arqyly memleketten 50 mln teŋge kölemınde tūrǧyn üi tölemderın alǧany üşın sottaldy, dep habarlaidy "Adyrna" ūlttyq portaly Diapazonǧa sıltep.
Sot aldynda Maŋǧystau oblysy boiynşa Şekara qyzmetı departamentınıŋ kontrbarlau jäne barlau qyzmetı basqarmasynyŋ asa maŋyzdy ıster jönındegı aǧa jedel uäkılı, 45 jastaǧy A.K. jauap bergen. Ol alaiaqtyq jasady jäne memlekettık tölem alu maqsatynda otbasy qūramyn jasandy türde köbeittı dep aiyptalǧan. Is materialdaryna säikes, äskeri qyzmetşı äielınıŋ tuysynyŋ jūbaiyn ajyrasyp, özımen nekege tūruǧa köndırgen. Ol äielge 3 mln teŋge beruge uäde bergen. Tört balanyŋ anasy ūsynysqa kelısıp, küieuımen ajyrasyp, äskeri qyzmetşımen nekesın resmi türde tırkegen.
Osydan keiın er adam äieldıŋ tört balasynyŋ tuu turaly kuälıkterın notarius arqyly rastatyp, özge de qūjattarmen bırge Şekara qyzmetınıŋ tūrǧyn üi komissiiasyna tapsyrǧan. Qūjattar negızınde bırneşe aidan keiın onyŋ bank şotyna otbasy qūramyn eskere otyryp, 50 mln teŋge kölemınde tūrǧyn üi tölemı audarylǧan. Keiın äskeri qyzmetşı bauyryna tiesılı päterdı satyp alu turaly şart räsımdegen. Nätijesınde «satuşynyŋ» şotyna 50,5 mln teŋge tüsken. Qarajat keiın qolma-qol aqşaǧa ainaldyrylyp, basqa banktegı äskeri qyzmetşınıŋ şotyna qaita audarylǧan. Onyŋ 3 mln teŋgesın ol jalǧan nekege tūrǧan äielge bergen. Keiın olardyŋ nekesı būzylǧan.
Sot otyrysynda aiyptaluşy kınäsın moiyndamaǧan. Ol äielmen chat arqyly tanysqanyn jäne olardyŋ arasynda qarym-qatynas ornaǧanyn aitqan. Onyŋ sözınşe, neke şynaiy bolǧan, alaida erlı-zaiyptylar bırge tūrmaǧan, sebebı äieldıŋ balalary mekteptı aiaqtaǧanşa kütken. Sondai-aq sottaluşy tūrǧyn üi tölemderın zaŋ talaptaryna säikes alǧanyn mälımdegen. Onyŋ aituynşa, keiın bırınşı äielı jüktı bolǧanyn jaŋa jūbaiy bılgennen keiın aralarynda tüsınıspeuşılık tuyndap, neke būzylǧan. Keiın ol bırınşı äielımen qaita nekelesken.
Alaida tört balanyŋ anasy sotta aiyptaluşymen jaqyn qarym-qatynasta bolmaǧanyn jäne bırge tūrmaǧanyn aityp, nekenıŋ jalǧan bolǧanyn rastaǧan. Onyŋ sözınşe, nekenı räsımdeuge ony aiyptaluşy men onyŋ äielı köndırgen. Äiel bastapqyda būl äreket olardyŋ zeinetaqy jinaqtaryn aluyna qajet dep oilaǧan. Ol 50 mln teŋge kölemındegı tūrǧyn üi tölemı turaly tergeu barysynda ǧana bılgenın aityp, keiın äskeri qyzmetşıge qatysty aryz jazǧan. Äiel özıne «kömegı üşın» 3 mln teŋge berılgenın jäne būl qarajatty qaryzdary men nesielerın öteuge jūmsaǧanyn rastaǧan.
Äskeri sot nekenıŋ jalǧan ekenın anyqtap, memlekettık qarajatty alu äreketın alaiaqtyq dep tanyǧan. Sot A.K.-ny alty jylǧa bas bostandyǧynan aiyrdy. Sonymen qatar oǧan memleketke keltırılgen şyǧyndy öteu mındetteldı. Būdan bölek, sot ükımımen ol podpolkovnik äskeri ataǧynan aiyryluǧa tiıs.
Sot ükımı äzırge zaŋdy küşıne engen joq.
