Almaty oblysyndaǧy Sokol International Circuit avtodromynda Ortalyq Aziiada alǧaş ret ūiymdastyrylǧan FIA Central Asia Drifting Cup 2026 drift jarysy öttı. Halyqaralyq dodaǧa Qazaqstan, Qyrǧyzstan, Moŋǧoliia, Özbekstan jäne Reseiden kelgen 20 avtoşabandoz qatysty. Būl jarysty Qazaqstannyŋ Avtomotosport federasiiasy men Qyrǧyzstannyŋ Avtomotosport jäne jol qauıpsızdıgı federasiiasy bırlesıp ūiymdastyrdy.
Üş künge sozylǧan dodada pilottar baryn saldy. Jarys erejesı boiynşa avtoşabandozdar joǧary jyldamdyqpen jüiıtkıp kelıp, būrylystardy däl baǧyndyruy tiıs. Aldymen ırıkteu kezeŋınen ötken kıl myqtylar, keiın jūptyq bäsekede baqsynasty.
Al, jarys alaŋyndaǧy janküierler şabandozdardyŋ şeberlıgın tamaşalap, döŋgelekten şyqqan kök tütın men qūlaq tūndyrar kölık ünınen keremet äser aldy. Tıptı jinalǧan jūrt drift kölıkterın jaqynnan körıp, pilottarmen tıldesıp, qoltaŋba aldy. Al avtodrom aspanynda Qazaqstan, Qyrǧyzstan jäne FIA tuyn ūstaǧan paraşiutşıler öner körsettı.
Halyqaralyq şaranyŋ aşylu saltanatyna Almaty oblysy äkımınıŋ orynbasary Ǧani Mailybaev qatysyp, avtoşabandozdarǧa sättılık tıledı. Sondai-aq FIA-nyŋ alǧaşqy aimaqtyq drift Kubogynyŋ Qazaqstanda ötuı elımız üşın ǧana emes, Ortalyq Aziiadaǧy avtosporttyŋ damuy üşın de maŋyzdy ekenın atap öttı.
“Avtosporttan halyqaralyq deŋgeidegı jarysty Almaty oblysynda ūiymdastyru – bız üşın ülken jauapkerşılık ärı jaŋa täjıribe. Öŋırde sporttyq infraqūrylymdy damytuǧa, halyqaralyq jarystar ötkızuge jäne būqaralyq sportty qoldauǧa erekşe män berıledı. Bügıngı doda – tek sporttyq bäseke ǧana emes. Būl – Ortalyq Aziia elderınıŋ sportşylaryn toǧystyryp, täjıribe almasuǧa, käsıbi şeberlıktı şyŋdauǧa jäne öŋırdegı avtosport mädenietın damytuǧa mümkındık beretın maŋyzdy doda”,-dedı Ǧani Mailybaev.
Al FIA Drift komissiiasynyŋ töraǧasy, japoniialyq Koichi Murata jarysty ūiymdastyruǧa atsalysqan Qazaqstan men Qyrǧyzstannyŋ avtomotosport federasiialaryna, Sokol International Circuit komandasyna jäne mamandarǧa alǧys bıldırdı.
Jarystyŋ eŋ tartysty sätı finalda boldy. Drift kezınde qazaqstandyq pilot Oleg Hridochkin mıngen kölıktıŋ rölınıŋ gidravlikalyq küşeitkışı (GUR) ısten şyqty. Ereje boiynşa töreşıler aqaudy qalpyna keltıruge bes minut qana uaqyt berdı. Bıraq mehanikter ony jöndep ülgergen joq. Soǧan qaramastan Hridochkin jarys jolyna şyǧyp, halyqaralyq dodanyŋ bas jüldesın jeŋıp aldy.
Kölıgımnıŋ rölı ısten şyqqan soŋ, jeŋıske jetemın degen oi bolǧan joq. Bas jülde qarsylasym Mihailǧa būiyratynyna senımdı boldym, ony tıptı jeŋısımen qūttyqtap qoidym. Bıraq töreşıler ekı jarystyŋ qorytyndysyn eskere otyryp, bırınşı oryndy maǧan berdı. Şynymdy aitsam, qara küştıŋ arqasynda ūttym», – dedı Oleg Hridochkin.
Osylaişa FIA Central Asia Drifting Cup 2026 jarysynyŋ bas jüldesın Nissan 200SX kölıgın tızgındegen Oleg Hridochkin ielendı. Ekınşı oryndy Nissan 350Z kölıgımen Mihail Pak, üşınşı oryndy Nissan 200SX kölıgımen Aleksandr Bochkarev aldy.
Üş jüldeger de – Qazaqstan pilottary. Jeŋımpazǧa – 6,5 mln teŋge, ekınşı oryn iegerıne – 4,5 mln teŋge, üşınşı oryn alǧan pilotqa – 3,5 mln teŋge aqşalai syiaqy tabystaldy.
Būl jarys Ortalyq Aziia elderınıŋ pilottaryna FIA Kubogy aiasynda baq synauǧa mümkındık berdı. Al, jarys ūiymdastyruşylary, töreşıler men tehnikalyq mamandar halyqaralyq deŋgeidegı dodany joǧary deŋgeide ötkızıp, mol täjıribe jinady.
