2026 jyldyŋ 1-7 qazan künderı aralyǧynda Qazaqstannyŋ Halyq artisı, «Parasat», «Qūrmet» ordenderınıŋ iegerı, körnektı teatr jäne kino aktrisasy, Qazaqtyŋ Qyz Jıbegı Meruert Ötekeşovanyŋ 75 jasyna arnalǧan «TEATR ALL» IV Halyqaralyq teatr festivalı ötedı, dep habarlaidy «Adyrna» tılşısı.
Biyl törtınşı märte Astana törınde ūiymdastyryp jatqan būl halyqaralyq festivalge Äzerbaijan, Qyrǧyzstan, Özbekstan jäne Qazaqstannyŋ üzdık teatr ūjymdary qatysady dep josparlanuda.
Astana qalasy äkımdıgınıŋ qoldauymen ötetın «TEATR ALL» IV halyqaralyq teatr festivalınıŋ basty maqsaty – Qazaqstannyŋ Halyq artisı, körnektı teatr jäne kino aktrisasy Meruert Ötekeşevanyŋ şyǧarmaşylyq mūrasyn keŋınen nasihattap, körermen qauymdy onyŋ önerdegı önegelı jolymen tanystyru.
Meruert Ötekeşevanyŋ esımı qazaq kino tarihynda, eŋ aldymen, «Qyz Jıbek» filmındegı Jıbek beinesımen mäŋgılıkke taŋbalandy. Aktrisa somdaǧan Jıbek obrazy qazaq kinosynyŋ eŋ tanymal ärı körermen jüregınen oryn alǧan äiel keiıpkerlerınıŋ bırıne ainaldy. Onyŋ näzık bolmysy, akterlık şeberlıgı men sahnadaǧy jäne ekrandaǧy dara qoltaŋbasy ūlttyq öner tarihynda özındık ız qaldyrdy.
Festivaldıŋ maŋyzdy mındetterınıŋ bırı – halyqaralyq şyǧarmaşylyq bailanystardy nyǧaitu, otandyq jäne şeteldık teatr ūjymdary arasynda täjıribe almasuǧa jäne jaŋa şyǧarmaşylyq serıktestıkter ornatuǧa mümkındık jasau. Festival baǧdarlamasy aiasynda teatr önerınıŋ zamanaui baǧyttary men tyŋ ızdenısterı körermen nazaryna ūsynylyp, türlı elderdıŋ teatr mamandary arasynda käsıbi pıkır almasu alaŋy qalyptasady.
Sonymen qatar, «TEATR ALL» teatr önerınıŋ damuyna jaŋa serpın berıp, onyŋ ruhani-mädeni qūndylyqtaryn öskeleŋ ūrpaq arasynda keŋınen nasihattaudy közdeidı. Festival – ūlttyq teatr dästürı men zamanaui sahna önerın toǧystyratyn, şyǧarmaşylyq sabaqtastyq pen mädeni dialogty qalyptastyratyn maŋyzdy halyqaralyq öner alaŋy.
Festival barysyna toqtala keteiık, 1 qazan künı saǧat 14:00-de S.Qojamqūlov atyndaǧy Ūlytau oblystyq sazdy drama teatry U.Şekspir, «Makbet» tragediiasy (Rejisserı: M.Habibullin) Astana qalasy äkımdıgınıŋ Muzykalyq jas körermen teatrynda ötse, (Mekenjaiy: J.Omarov köşesı 47/B), Qazaqstannyŋ Halyq artisı, «Parasat», «Qūrmet» ordenderınıŋ iegerı, körnektı teatr jäne kino aktrisasy Meruert Ötekeşevanyŋ 75 jasyna arnalǧan «TEATR ALL» IV Halyqaralyq teatr festivalı qatysuşylarynyŋ qyzyl kılemmen jürıp ötu räsımı jäne saltanatty aşyluy (Mekenjaiy: J.Omarov köşesı 47/B) ötse, saǧat 18:00-de Muzykalyq jas körermen teatrynyŋ Ǧ.Müsırepov, E.Brusilovskii «Qyz Jıbek» etno-folklorlyq miuziklı (Rejisserı: A.Maemirov) aşylu saltanatyna atalǧan teatrda arnaiy (Mekenjaiy: J.Omarov köşesı 47/B) körsetıledı.
2 qazan künı 11:00-de Almaty qalasynyŋ Asanälı Äşımov teatry B.Jandarbekov, «Tomiris» performansy (Rejisserı: G.Adai) Ä.Mämbetov atyndaǧy memlekettık drama jäne komediia teatrynda (Mekenjaiy: Mäŋgılık el daŋǧyly,55/2 V2.3), saǧat 15:00-de N.Janturin atyndaǧy Maŋǧystau oblystyq sazdy drama teatry B.Breht, «TOI» tragikomediiasy (B.Brehttıŋ «Meşanskaia svadba» pesasynyŋ jelısı boiynşa) (Rejisserı: D.Jūmabai), Astana qalasy äkımdıgınıŋ Jastar teatry ǧimaratynda (Mekenjaiy: İ.Esenberlin köşesı 10) ötse, al saǧat 19:00-de Aqmola oblystyq orys drama teatry M.Äuezov, «Vystrel na perevale Karaş» muzykalyq dramasy (Rejisserı: T.Kulov), Astana qalasy äkımdıgınıŋ Muzykalyq jas körermen teatrynda (Mekenjaiy: J.Omarov köşesı 47/B) ötedı.
3 qazan künı 11:00-de Astana qalalyq sirkınıŋ «Contrasst» bi teatry «Metamorphoses» zamanaui balet-refleksiiasy (Rejisserı:K.Jirenbaeva) Ä.Mämbetov atyndaǧy memlekettık drama jäne komediia teatrynda (Mekenjaiy: Mäŋgılık el daŋǧyly,55/2 V2.3), saǧat 15:00-de Äzerbaijan Respublikasy, «M.Teatr» täuelsız teatry «BÖGELEK» (E.L.Voinichtıŋ «Ovod» romanynyŋ jelısı boiynşa) dramasy (Rejisserı: V.Gasanov) Astana qalasy äkımdıgınıŋ Muzykalyq jas körermen teatrynda (Mekenjaiy: J.Omarov köşesı 47/B) ötse, saǧat 19:00-de Q.Quanyşbaev atyndaǧy Qazaq ūlttyq muzykalyq drama teatry L.Tolstoi, «Anna Karenina. Roman paraqtary» horeo-dramasy (Rejisserı: R.Mahataev) Q.Quanyşbaev atyndaǧy Qazaq ūlttyq muzykalyq drama teatrynda (Mekenjaiy: Q.Quanyşbaev köşesı 8/1) ötedı.
4 qazan künı 11:00-de Ä.Mämbetov atyndaǧy memlekettık drama jäne komediia teatry M.Şahanov, «Tanaköz» melodramasy (Rejisserı: Ä.Bidahmet) Ä.Mämbetov atyndaǧy memlekettık drama jäne komediia teatrynda (Mekenjaiy: Mäŋgılık el daŋǧyly,55/2 V2.3), saǧat 15:00-de Qyrǧyz Respublikasy, B.Kydykeeva atyndaǧy Qyrǧyz memlekettık jas körermen teatry Ş.Aitmatov, «Jämila» dramasy (Rejisserı: U.Karypbaev) Astana qalasy äkımdıgınıŋ Muzykalyq jas körermen teatrynda (Mekenjaiy: J.Omarov köşesı 47/B) ötse, saǧat 19:00-de M.Gorkii atyndaǧy memlekettık akademiialyq orys drama teatry U.Gibson, H.Keller, «Sotvorivşaia chudo ili chto takoe liubov?» muzykalyq dramasy (Rejisserı: G.Balpeisova) M.Gorkii atyndaǧy memlekettık akademiialyq orys drama teatrynda (Mekenjaiy: Jeltoqsan köşesı, 11) ötedı.
5 qazan künı 11:00-de R.Seitmetov atyndaǧy Türkıstan qalasynyŋ sazdy drama teatry B.Serdälı, N.Maraim, «Qatynqamal» performansy (Rejisserı: N.Iztaev) Astana qalasy äkımdıgınıŋ Muzykalyq jas körermen teatrynda (Mekenjaiy: J.Omarov köşesı 47/B) ötse, saǧat 15:00-de Özbekstan Respublikasy, Özbekstan memlekettık drama teatry A.Navoi, «Läilı men Mäjnün» dramasy (Rejisserı: A.Holmuminov) Ä.Mämbetov atyndaǧy memlekettık drama jäne komediia teatrynda (Mekenjaiy:Mäŋgılık el daŋǧyly,55/2 V2.3) ötse, saǧat 19:00-de Astana qalasy äkımdıgınıŋ Muzykalyq jas körermen teatry E.Amanşaev, «Şäkärım» muzykalyq dramasy (Rejisserı: A.Maemirov) Q.Quanyşbaev atyndaǧy Qazaq ūlttyq muzykalyq drama teatrynda (Mekenjaiy: Q.Quanyşbaev köşesı 8/1) ötedı.
6 qazan künı 11:00-de Astana qalasy äkımdıgınıŋ «Qanattylar» inkliuzivtı teatry S.Särsen, «Abai-LA» perfomansy Abai qara sözderınıŋ jelısı boiynşa (Rejisserı: S.Särsen) «BIART» kreativtı industriia mektebınde (Mekenjaiy: Syǧanaq köşesı 17/41) ötse, al saǧat 15:00-de Atyrau oblystyq Jastar teatry M.Äuezov, «Qaraly sūlu» horeo-dramasy (Rejisserı: D.Jūmabai) M.Gorkii atyndaǧy memlekettık akademiialyq orys drama teatrynda (Mekenjaiy: Jeltoqsan köşesı, 11) ötse, saǧat 19:00-de Ǧ.Müsırepov atyndaǧy Memlekettık akademiialyq balalar men jasöspırımder teatry Ǧ.Müsırepov, «Ūlpan» muzykalyq dramasy (Rejisserı: G.Balpeisova) Ä.Mämbetov atyndaǧy memlekettık drama jäne komediia teatrynda (Mekenjaiy: Mäŋgılık el daŋǧyly,55/2 V2.3) ötedı.
7 qazan künı 10:00-de Qazaqstannyŋ Halyq artisı, körnektı teatr jäne kino aktrisasy, «Parasat», «Qūrmet» ordenderınıŋ iegerı Meruert Ötekeşevanyŋ 75 jyldyǧyna arnalǧan «Meruert Ötekeşevanyŋ şyǧarmaşylyq mūrasy: qazırgı teatr önerındegı sabaqtastyq pen jaŋaşyldyq» atty halyqaralyq ǧylymi-praktikalyq konferensiiasy K.Bäiseiıtova atyndaǧy Qazaq ūlttyq öner universitetınıŋ Ä.Tarazi atyndaǧy konferens-zalynda (Mekenjaiy:Täuelsızdık daŋǧyly, 50) ötse, saǧat 17:00-de «TEATR ALL» IV Halyqaralyq teatr festivalınıŋ saltanatty jabyluy jäne jeŋımpazdardy marapattauy K.Bäiseiıtova atyndaǧy Qazaq ūlttyq öner universitetınıŋ ülken zalynda (Mekenjaiy:Täuelsızdık daŋǧyly, 50) ötse, saǧat 19:00-de Qazaqstannyŋ Halyq artisı, körnektı teatr jäne kino aktrisasy Meruert Ötekeşevanyŋ 75 jasyna arnalǧan «Qazaqtyŋ Qyz Jıbegı» atty şyǧarmaşylyq keş K.Bäiseiıtova atyndaǧy Qazaq ūlttyq öner universitetınıŋ ülken zalynda (Mekenjaiy:Täuelsızdık daŋǧyly, 50) ötedı.
