Maŋǧystau oblysynda oqu-jattyǧu kezınde äskeri qyzmetşılerdıŋ qaza tabuy el üşın ülken qasıret boldy. Būl turaly vise-prezident Erlan Qarin aitty, dep habarlaidy "Adyrna".
Onyŋ aituynşa, Memleket basşysy Qasym-Jomart Toqaev qaiǧyly oqiǧadan keiın zardap şekkenderge kömek körsetu jäne oqiǧanyŋ barlyq män-jaiyn jan-jaqty ärı obektivtı tergeu mäselelerın jeke baqylauyna alǧan.
"Prezidenttıŋ Jarlyǧymen oqu-jattyǧu kezınde qaza tapqan 14 äskeri qyzmetşı «Aibyn» ordenımen marapattaldy. Sondai-aq Qasym-Jomart Toqaev Jalpyūlttyq aza tūtu künın jariialap, qaza bolǧan sarbazdardyŋ otbasylaryna köŋıl aitty.
Qaiǧyly oqiǧanyŋ sebepterı men män-jailaryn anyqtau üşın Ükımettık komissiia qūrylyp, oqiǧa ornyna jıberıldı. Qūqyq qorǧau organdary sotqa deiıngı tergep-tekserudı bastady. Qazırgı uaqytta tergeu amaldary jalǧasyp jatyr. Is Bas prokuratura men Işkı ıster ministrlıgınıŋ erekşe baqylauynda.
Tergeu aiasynda Qorǧanys ministrlıgınıŋ bırqatar lauazymdy tūlǧasy küdıktı retınde ūstalǧan", - dedı vise-prezident.
Erlan Qarinnıŋ sözınşe, memleket tarapynan qaza bolǧan äskeri qyzmetşılerdıŋ otbasylary men zardap şekken jauyngerlerge qajettı kömek körsetılude. Sonymen qatar qoǧam ökılderı, käsıpkerler, mesenattar men saiasi partiialardyŋ ökılderı de otbasylarǧa qoldau körsetuge daiyn ekenın bıldırgen.
"Qaiyrymdylyq qarajatyn jinau men böludıŋ aşyqtyǧyn qamtamasyz etu üşın arnaiy qor qūrylyp, qoǧamdyq komissiia jasaqtalǧan. Komissiiaǧa jinalǧan qarajattyŋ ädıl ärı aşyq bölınuın baqylau mındetı jüktelgen.
Sonymen qatar Memleket basşysy Qorǧanys ministrlıgınıŋ jaŋa basşysyn taǧaiyndap, vedomstvonyŋ jūmysyn keşendı tekseru jönındegı komissiia qūrdy. Qarjy men äskeri bölımderdıŋ materialdyq-tehnikalyq qamtamasyz etıluıne jürgızılgen audittıŋ alǧaşqy qorytyndysy jetı kün ışınde ūsynyluy tiıs.
Būdan bölek, Prezident on kün ışınde armiiany reformalaudyŋ arnaiy josparyn äzırleudı tapsyrdy. Reformanyŋ negızgı maqsaty – äskeri qyzmetşılerdıŋ qauıpsızdıgı men ömırı basty basymdyqqa qoiylatyn jaŋa ülgıdegı armiia qalyptastyru", delıngen Erlan Qarinnıŋ jazbasynda.
Onyŋ pıkırınşe, qabyldanyp jatqan şaralar tek qaiǧyly oqiǧanyŋ saldaryn joiumen şektelmei, onyŋ tüpkı sebepterın anyqtap, mūndai jaǧdailardyŋ qaitalanuyna jol bermeuge baǧyttalǧan.
«Eŋ bastysy – memleket tek jedel äreket etıp qana qoimai, oqiǧalardyŋ tüpkı sebepterın joiuǧa baǧyttalǧan jüielı ärı keşendı şeşımder qabyldauda», – dedı ol.
