Sý basqan Atyraý oblysyndaǵy Qulsary qalasynan Mańǵystaý oblysyna evakýaııalanǵandar sany shamamen 15 myń adamǵa jetti, dep habarlaıdy "Adyrna" ulttyq portaly Tótenshe jaǵdaılar mınıstrliginiń baspasóz qyzmetine siltep.
«Qazir Atyraý oblysy Jylyoı aýdany Qulsary qalasynan Mańǵystaý oblysyna 15 myńǵa jýyq azamat evakýaııalandy, onyń 5500-ge jýyǵy balalar. 21 ýaqytsha ornalastyrý ortalyǵyna 1641 azamat, onyń ishinde 741 bala evakýaııalandy. 12 myńnan astam azamat týystarynda qaldy. Mańǵystaý oblysynda jergilikti bılik pen tótenshe jaǵdaılardyń kómegimen 83 myńnan astam azamatty qabyldaıtyn 201 ýaqytsha ornalastyrý pýnkti dabylǵa qoıyldy. Azamattardy evakýaııalaý jalǵasýda», - delingen senbi kúni habarlamada.
