Abai künıne orai Jetısu oblysynda «Jelsız tünde jaryq ai» atty ädebi-sazdy keş ūiymdastyrylyp, jastar men ädebietsüier qauymnyŋ basyn qosty.
Is-şaranyŋ basty maqsaty – qazaqtyŋ ūly aqyny, oişyly ärı aǧartuşysy Abai Qūnanbaiūlynyŋ mol ruhani mūrasyn keŋınen nasihattau, jastardyŋ qazaq ädebietı men mädenietıne degen qyzyǧuşylyǧyn arttyru, ūlttyq qūndylyqtardy därıpteu jäne şyǧarmaşyl jastardyŋ basyn qosyp, ruhani-mädeni ortany qalyptastyru boldy.
Keş aiasynda qatysuşylar Abai şyǧarmaşylyǧyna arnalǧan kıtap körmesı men installiasiiany tamaşalap, ūlttyq naqyştaǧy fotozonada estelık suretke tüsıp, qazaqtyŋ dästürlı taǧamdarynan däm tatty. Sonymen qatar Abaidyŋ ömırı men şyǧarmaşylyǧyna arnalǧan beinerolik körsetılıp, ädebi keştıŋ mazmūnyn tolyqtyra tüstı.
Is-şaraǧa arnaiy şaqyrylǧan aqyndar Jūmatai Ospanūly, Jangeldı Nemerebaev, Mūhtar Kümısbek jäne Sanjar Sūltanǧazy qatysyp, Abai mūrasynyŋ bügıngı qoǧamdaǧy maŋyzy turaly oi-pıkırlerımen bölıstı. Sondai-aq olar Abaiǧa jäne jas ūrpaqqa arnalǧan avtorlyq öleŋderın oqyp, körermenge ruhani äser syilady.
Keş barysynda «Jelsız tünde jaryq ai» atty ädebi saiys ūiymdastyrylyp, qatysuşylar «Abaidy jalǧastyr» jäne «Qara sözden taǧylym» kezeŋderı boiynşa bılımderın synady. Sonymen qatar körermender arasynda blis-sūraqtar ötkızılıp, belsendı qatysuşylar marapattaldy.
Ädebi-sazdy keştıŋ körkemdık bölıgınde Abaidyŋ änderı oryndalyp, dombyra süiemeldeuımen ädebi-muzykalyq kompozisiialar ūsynyldy. Taǧylymy mol mädeni ıs-şara ūlttyq ädebiet pen önerdı därıptep, jastardyŋ ruhani düniesın baiytuǧa jäne Abai mūrasyn jaŋa qyrynan tanytuǧa yqpal ettı.
