Qyzyljar aýyly turǵyndarynyń kóńili kúpti. Olardyń mal azyǵyna dep arnaıy jıǵan-tergenderiniń barlyǵy sýmen birge aǵyp ketken.
"Materıaldyq shyǵyn kóp. Eni tonna kómirimiz aǵyp ketti, malǵa beretin jemim aǵyp ketti. Maldyń shóbi de ketti. Ákimdikten kómek bolǵan joq. Keshe túnimen uıyqtaǵan joqpyz. Úıdiń astyna deıin sý kirdi. Ylǵal", - dedi Qyzyljar aýylynyń turǵyny Murat Baıdolda.
KTK telearnasynyń habarlaýynsha, Qyzyljar aýylynda mundaı jaǵdaı alǵash ret bolyp turǵan joq. Osydan 13 jyl buryn tasqyn bolǵan.
"Sol kezden bastap bunyń bárin qolǵa alý kerek edi. Osy ýaqytqa deıin qaqsap, aıtyp kele jatyrmyz. Kópirdi jasap qoıady. Ol kópirge sý syımaıdy. Asady da ketedi. Aıttyq, eshkim qaraǵan joq. Tómengi aýyldy sý basyp jatyr. Úıde qart áke-sheshemiz otyr", - dep shaǵym aıtty Qyzyljar aýylynyń turǵyny Álııa Úsenbekova.
Ákimdiktiń rasynda aýyldy sý alǵanynan habary bolmaǵan. Ony ózderi ashyq moıyndap otyr. Alaıda, olar el habarlaǵandandaı, 20 shańyraqty emes, 8 úıdi sý basqan dedi.
"Qyzyl sýdyń aǵyp jatqan aǵymy úsh tekshe metr bolsa, qazir bireýge tústi. Kesheli beri osynda júrmiz. Keshe tórt úı bolǵan. Bir úıdiń kómirin, bir úıdiń 500 keli karbyn aǵyzyp ketken. Eger kerek bolsa, ornyna alyp beremiz", - dedi Kerbulaq aýdanynyń ákimi Qanat Esbolatov.
"Kazinform"-nyń habarlaýynsha, Kerbulaq aýdanynyń jergilikti atqarýshy organdary men oblystyq TJD sýdy burý úshin Qyzyljar aýylynyń joǵary jaǵynan uzyndyǵy 1 km, eni 1,5 metr, tereńdigi 2 metr kanal qazdy. Úılerdiń aýlalaryn sý basý qaýpi barynsha azaıtyldy. Jumystar tolyǵymen aıaqtaldy, erigen qar sýy Baıǵazy ózenine quıylyp jatyr.
"Adyrna" ulttyq portaly
