Jetısu oblysynda künnıŋ kürt jylynuy saldarynan jer üilerdı su basyp jatyr. Tasqyn sudyŋ aryny qataiyp, Kerbūlaq audany, Qyzyljar auyly su astynda qaldy. Qolda bar derekke sensek, qazırdıŋ özınde 20-ǧa juyq üi jaramsyz bolyp qalǧan. Būǧan qatysty äkımdık arnaiy mälımdeme jasady, dep habarlaidy "Adyrna" ūlttyq portaly.
Qyzyljar auyly tūrǧyndarynyŋ köŋılı küptı. Olardyŋ mal azyǧyna dep arnaiy jiǧan-tergenderınıŋ barlyǧy sumen bırge aǧyp ketken.
"Materialdyq şyǧyn köp. Enı tonna kömırımız aǧyp kettı, malǧa beretın jemım aǧyp kettı. Maldyŋ şöbı de kettı. Äkımdıkten kömek bolǧan joq. Keşe tünımen ūiyqtaǧan joqpyz. Üidıŋ astyna deiın su kırdı. Ylǧal", - dedı Qyzyljar auylynyŋ tūrǧyny Mūrat Baidolda.KTK telearnasynyŋ habarlauynşa, Qyzyljar auylynda mūndai jaǧdai alǧaş ret bolyp tūrǧan joq. Osydan 13 jyl būryn tasqyn bolǧan.
"Sol kezden bastap būnyŋ bärın qolǧa alu kerek edı. Osy uaqytqa deiın qaqsap, aityp kele jatyrmyz. Köpırdı jasap qoiady. Ol köpırge su syimaidy. Asady da ketedı. Aittyq, eşkım qaraǧan joq. Tömengı auyldy su basyp jatyr. Üide qart äke-şeşemız otyr", - dep şaǧym aitty Qyzyljar auylynyŋ tūrǧyny Äliia Üsenbekova.Äkımdıktıŋ rasynda auyldy su alǧanynan habary bolmaǧan. Ony özderı aşyq moiyndap otyr. Alaida, olar el habarlaǧandandai, 20 şaŋyraqty emes, 8 üidı su basqan dedı.
"Qyzyl sudyŋ aǧyp jatqan aǧymy üş tekşe metr bolsa, qazır bıreuge tüstı. Keşelı berı osynda jürmız. Keşe tört üi bolǧan. Bır üidıŋ kömırın, bır üidıŋ 500 kelı karbyn aǧyzyp ketken. Eger kerek bolsa, ornyna alyp beremız", - dedı Kerbūlaq audanynyŋ äkımı Qanat Esbolatov.
"Kazinform"-nyŋ habarlauynşa, Kerbūlaq audanynyŋ jergılıktı atqaruşy organdary men oblystyq TJD sudy būru üşın Qyzyljar auylynyŋ joǧary jaǧynan ūzyndyǧy 1 km, enı 1,5 metr, tereŋdıgı 2 metr kanal qazdy. Üilerdıŋ aulalaryn su basu qaupı barynşa azaityldy. Jūmystar tolyǧymen aiaqtaldy, erıgen qar suy Baiǧazy özenıne qūiylyp jatyr.
"Adyrna" ūlttyq portaly
Ūqsas jaŋalyqtar
