Baqtybai auylyndaǧy ūzaqqa sozylǧan qūrylys aiaqtaldy: Jetısuda auyldyq mädeniet üiı esıgın aşty

174
Adyrna.kz Telegram
https://adyrna.kz/storage/uploads/7d9NmsHVbaODfFauPtrQPIV471CIaxqBMJYc1m9s.png

Foto: Jūmabai Mūsabekov

Jetısu oblysynyŋ taǧy bır auylynda mädeni-sporttyq ortalyq qoldanysqa berıldı. Eskeldı audanyndaǧy Baqtybai auyldyq mädeniet üiınıŋ kürdelı jöndeuı oblys qūrylǧanǧa deiın bastalyp, qūrylysy ūzaqqa sozylǧan problemalyq nysandardyŋ qatarynda bolatyn. Oblys basşylyǧynyŋ jıtı baqylauynan keiın qūrylys qaita jandanyp, «saqaldy» qūrylys aiaqtaldy. Osylaişa 7 myŋǧa juyq tūrǧyny bar auylda jiyrma jyldan astam uaqyttan berı beiımdelgen ǧimaratta otyrǧan mädeniet üiınıŋ qyzmetkerlerı jaŋa nysanda jūmysqa kırıstı.

Audan äkımdıgınıŋ mälımetınşe, mädeniet üiı men kıtaphana būǧan deiın auyldyq äkımdık ǧimaratynyŋ 1-qabatynda otyrǧan edı. Būl eleulı qolaisyzdyqtar tuǧyzatyn. Sondyqtan tozyǧy jetken eskı mädeniet üiınıŋ ǧimaratyn jaŋǧyrtu auyl tūrǧyndary üşın de, mädeniet salasy qyzmetkerlerı üşın de aituly jaŋalyq boldy.

Atap ötsek, jaŋarǧan ǧimarattyŋ audany - 4500 şarşy metr. 340 adamǧa arnalǧan ülken körermen zaly bar. Işınde auyldyq kıtaphana ornalasqan. Ondaǧy kıtap qory – 20 myŋnan astam.

Būl ortalyqta üiırmeler men seksiialar jūmys ısteidı, būqaralyq-mädeni ıs-şaralar, konsertter, kezdesuler ötkızıledı.

- Mädeniet üiı tolyqqandy jūmysyn bastady. Bügınde mūnda balalardyŋ da, eresekterdıŋ de şyǧarmaşylyqpen ainalysuyna barlyq jaǧdai jasalǧan. Ärkım özıne ūnaityn ıspen şūǧyldana alady. Mūnda «Mereilı äjeler» kluby, estradalyq än, dombyra, bi, qolöner, velosport, futbol, küres siiaqty mädeni jäne sporttyq segız üiırme bar. Bızdıŋ basty mındetımız – būl mekemenı auyldyŋ naǧyz mädeni ömırınıŋ ortalyǧyna ainaldyru. Mūnda är tūrǧyn öz talantyn şyŋdap, jaŋa bılım alyp, bos uaqytyn tiımdı ärı qyzyqty ötkıze alatyndai jaǧdai tuǧyzu. Ol üşın aldaǧy uaqytta jūmys baǧyttaryn keŋeitemız, jaŋa üiırmeler aşyp, tūrǧyndardy barynşa köptep tartamyz degen josparymyz bar, – dedı mädeniet üiınıŋ direktory Qanat Ospanov.

Bügıngı künı jaŋa nysanda türlı üiırmelerge keluşıler qatary köp. Sonyŋ ışınde küres üiırmesıne degen qyzyǧuşylyq ta artyp keledı. Qazır būl üiırmege 180 bala qatysuda.

- Būl jaŋarǧan ǧimaratta grek-rim küresıne ülken zal qoldanysqa berıldı. Būǧan deiın jattyǧulardy mekteptıŋ sport zalynda, dalada ötkızetınbız, köbıne būl bızge qolaisyz bolatyn. Qazırgı zal yŋǧaily, keŋ. Balalar üş auysymda jattyǧady. Qatarymyzǧa jaŋadan qosylǧan jasy kışı balalar taŋerteŋnen, orta buyn jasöspırımder tüsten keiın, ülkender toby keşke jattyǧady. Qazır oquşylardyŋ ışınde respublikalyq turnirlerde top jaryp jürgender de bar. Aldaǧy uaqytta osy küres zalynan chempiondar şyǧady dep senemız, - deidı jattyqtyruşy Ädılet Nūǧymanov.

Mädeniet üiınıŋ aşylǧanyna tūrǧyndar da dän riza.

– Bız osy kündı ūzaq küttık. Mūnda balalar türlı üiırmelerge qatysyp, eresekter mädeni ıs-şaralar ötkızıp, konsert tamaşalaidy. Jaŋartylǧan ǧimarat är buyn ökılderı yqylaspen keletın ortaq mädeni nysanǧa ainaldy, - deidı auyl tūrǧyny Qairat Mamraev.

Atap ötsek, Baqtybai auyldyq mädeniet üiınıŋ ǧimaratyna kürdelı jöndeu jūmystary 2020 jyldyŋ mamyr aiynda bastalyp, 2021 jyldyŋ mausymynda aiaqtau josparlanǧan bolatyn. Alaida merdıger ūiymnyŋ jauapsyzdyǧynan belgılengen merzım bırneşe ret keiınge şegerılıp, osyǧan bailanysty merdıgerge qatysty zaŋnamada közdelgen şaralar qabyldanǧan jäne tiıstı sot şeşımı şyqqan bolatyn.

Jetısu oblysy qūrylǧannan keiın problemalyq nysannyŋ qūrylysyn aiaqtau mäselesı öŋır basşylyǧynyŋ erekşe baqylauyna alynyp, qūrylys barysynda jūmystyŋ sapasyna jıtı nazar audaryldy. Söitıp, ǧimarattyŋ jöndeuı aiaqtalyp, būl nysan auyldyŋ mädeni ömırıne tyŋ serpın berıp otyr.

Jalpy, oblys qūrylǧaly berı öŋırdegı äleumettık nysandardy jaŋǧyrtu deŋgeiı 55,8% jettı.

Pıkırler