Jetısu oblysy Polisiia departamentı ekı balasyn satqan oblystyŋ 23 jastaǧy tūrǧynyn ūstady. Būl turaly Işkı ıster ministrlıgınde ötken aptalyq baspasöz mäslihatynda vedomstvonyŋ ökılı Şūǧyla Tūrlybek mälımdedı, dep habarlaidy “Adyrna” ūlttyq portaly.
Küdıktı deldaldar arqyly özınıŋ 2022 jäne 2023 jyldary tuǧan ekı balasyn satqany anyqtaldy. Bırınşı fakt 2022 jyldyŋ qazan aiynda, al ekınşı fakt 2023 jyldyŋ tamyz aiynda oryn alǧan, ekı jaǧdaida da mämıle somasy 1 mln teŋge. Atalǧan faktıler Qylmystyq kodekstıŋ 135-baby boiynşa (kämeletke tolmaǧandar saudasy) tırkeldı, - dep atap öttı vedomstvo ökılı.Sonymen qatar, Türkıstan oblysynda 5 jyldan berı qūldyqta bolǧan özge eldıŋ azamaty anyqtaldy.
Türkıstan oblysy PD qyzmetkerlerı 53 jastaǧy Özbekstan azamatyn eŋbek qanauy üşın 5 jyldan astam uaqyt boiy zaŋsyz ūstaǧan şarua qojalyqtarynyŋ ekı basşysyn anyqtap, ūstady. Er adamnyŋ tölqūjatyn alyp, 2017 jyldan bastap mal baǧuǧa mäjbürlegen. Jäbırlenuşınıŋ mal qorasynda tūrǧany anyqtaldy. Jūmystan bas tartqan kezde oǧan fizikalyq jäne psihologiialyq qysym jasalǧan. QK 126-baby 3-bölıgınıŋ 2-tarmaǧy boiynşa tergeu jürgızılude. Jäbırlenuşı oŋaltu jäne kömek alu üşın daǧdarys ortalyǧyna jıberıldı, - dedı Şūǧyla Tūrlybek.
Ūqsas jaŋalyqtar
