Jetısu oblysynda Qazaqstan Respublikasy Täuelsızdıgınıŋ 35 jyldyǧyn atap ötuge auqymdy daiyndyq jūmystary bastaldy.
Öŋırdıŋ qalalary men audandarynda tarihi datanyŋ maŋyzdylyǧyn aişyqtap, ūlttyq bırlık pen merekelık köŋıl küi qalyptastyruǧa baǧyttalǧan aqparattyq-bezendıru nauqany qolǧa alyndy. Mereitoiǧa daiyndyq aiasynda oblys aumaǧyndaǧy halyq köp şoǧyrlanatyn qoǧamdyq oryndarda, atap aitqanda, medisinalyq mekemelerdıŋ, sauda üilerı men sauda-oiyn-sauyq ortalyqtarynyŋ maŋynda jäne keluşıler köp bolatyn özge de oryndarda 21 LED-ekran ıske qosyldy. Sifrlyq ekrandarda elımızdıŋ Täuelsızdıgınıŋ 35 jyldyǧyna arnalǧan taqyryptyq beineler, patriottyq beinerolikter men merekelık qūttyqtaular körsetılude. Būl rette egemen Qazaqstannyŋ jetıstıkterın, ūlttyq qūndylyqtar men otansüigıştık ruhty därıpteitın körnekı materialdarǧa erekşe män berılgen.
Merekeık aqparattyq nauqan Taldyqorǧan qalasyn, sondai-aq Sarqan, Aqsu, Eskeldı, Panfilov, Kerbūlaq jäne Köksu audandaryn qamtydy. Osylaişa, mereitoilyq rämızder men merekelık bezendıru elementterı oblys ortalyǧynda ǧana emes, öŋırdıŋ audandarynda da tūrǧyndardyŋ kündelıktı ömırınıŋ bır bölıgıne ainaluda.
«Täuelsızdıktıŋ 35 jyldyǧy – elımızdıŋ jürıp ötken tarihi jolyn, qol jetkızgen jetıstıkterın jäne bolaşaqqa nyq qadam basqanyn aişyqtaityn maŋyzdy data. Qoǧamdyq keŋıstıkterdı merekelık bezendırudıŋ maqsaty – saltanatty köŋıl küi qalyptastyrumen qatar, ärbır tūrǧynǧa Täuelsızdıktıŋ qūndylyǧyn, halyq bırlıgınıŋ maŋyzyn jäne Qazaqstannyŋ bolaşaǧy üşın ortaq jauapkerşılıktı eske salu», – dep atap öttı ūiymdastyruşylar.
Jetısu öŋırınde qolǧa alynǧan auqymdy merekelık nauqan aituly mereitoiǧa daiyndyqtyŋ jarqyn körınısterınıŋ bırıne ainalyp, oblystyŋ qalalary men audandaryn memleketımızdıŋ eŋ basty qūndylyǧy – Qazaqstan Respublikasynyŋ Täuelsızdıgı töŋıregınde bırıktıruge baǧyttalǧan.
